Pano mukuwazya Baibolo, mwavwamba ivyuuma vino mungawomvya ukupitila mukusokota. Mungacita wuli wo-o?

Mwavwambilizya ivisinka vyonsi pi lyasi lya mu Baibolo lino mukuwazya. Ku cakulolelako, mwayikolowozya ukuti, weweni wino walemvile lyo-o ilyasi? Walembelanga waweni? Ampindi ci pano walemvile? Uzye ivintu vyalinji wuli pe yoyo impindi? Avyani vino vyacitikanga pano atani alembe? Avyani vino vyacitisile mukulecelezya?

Mwakwelenganya pe vino mukusambililako ukupitila mukuyikolowozya amawuzyo ndi vino: ‘Uzye awantu wano walinji mwe lyo ilyasi wayivwanga wuli? Amiweleci yino walanjizizye kwe vino vyacitisile? Uzye nzipizile ukuwakolanya nanti awe? Nga cakuti nzipizile ukuwakolanya, lyo amulandu ci wuno nzipizile ukucitila wo-o?’

Mwawomvya vino mwasambilila pano muli mu mulimo nanti pano mulivye na wantu wanji. Nga mukucita wo-o, lyo mukulanjizya ukuti mwawa na mano ya cisinka, ndi vino Baibolo yikalanda ukuti: ‘Awamano wakakonka ivintunye vyoo.’—Amalu. 107:43.

• Vino Mungacita: Lolani ivyewo vino vingamyavwa ukumanya vino mungawomvya vino mwasambilila, mu kalibuku ka mikaliile paluwali lwa kuti Icuuma Cino Cawa mwi Zwi lya kwe Leza. Pe lo-o uluwali pakawa amawuzyo yano tungayikolowozya, ivisinka vino tuzipizile ukwelenganyapo, ni vilanjililo vino tungasambililako.