Mu tue ku tanda Mbimbiliya, tu hasa ku uana vupite vua mu lutsilielo mu ku tondesesa. Vunoni vati tu hasa ku lingamo?

Hindenu vuino ha mizimbu ya mu Mbimbiliya. Ca ku muenako, iya ua sonekele mezi aco? Ua a sonekelele veya? Ha ntsimbu ika? Vati via fuile viuma ha ntsimbu yaco? Vika via lingikile ntsimbu kanda a soneke mezi aco? Vika via lingikile mu nima yaco?

Nongononenu vi mu hasa ku lilongesaho mu ku tondesesa ha vihula ngeci mua: Vati vantu va kele mu cimpande caco va livuile ku mutima? Vifua vika va muesele? Nga vifua viaco via cili, omo lia vika nja pande ku vi tambuluisa? Nga via ku vihia, omo lia vika ka nja pandele ku vi tambuluisa?

Pangesenu vilongesa viaco. Mu hasa ku pangesa vilongesa viaco mu lihia ni mu ku likata na vakuenu. Nga mu lingamo, mu ka muesa mana, muomu Mbimbiliya nguayo: “Uose mukua mangana a ka [niunga] viuma evi.”—Visa. 107:43.

• Lihungu: Talenu vati mutamba Vupite vua mu Lizi lia Njambi, ue ku tuhuka mu ciuano ca mu kati ka simano, ue ku tsindika ha ku pangesa viuma vi tue ku lilongesa. Ha mutamba uaco he kuiza vihula vi tu hasa ku lilinga etu vavene, vintsina vi tu hasa ku hilula na vikupulo vi tu hasa ku tala.