Kema tijpouaj Biblia, uelis tijpantisej tlamachtili tlen tlauel ipati tlaj kuali timomachtiaj. Pero, ¿tlake uelis tijchiuasej uan kiampa nopa tlamachtili nelnelia techpaleuis?

Kuali ma tikitakaj tlen tijpouaj. Uelis timotlajtlanisej: “¿ajkia kiijkuilok, kema kiijkuilok uan ajkia kitlajkuiljuilik? ¿Kenijkatsa itstoyaj ipan nopa tonali? ¿Tlake panok achtoui uan teipa?”.

Ma timoiljuikaj ipan tlen techmachtia. Ma timoiljuikaj ipan ni tlajtlanili: “¿Tlake kiyolmatkej katli nopaya itstoyaj? ¿Tlake kuajkuali tlamantli kinextijkej ipan ininnemilis uan kenke moneki nijchiuas kej inijuantij? ¿Tlake tlamantli tlen amo kuali kichijkej uan kenke moneki amo nijchiuas kej inijuantij?”.

Ma tijchiuakaj tlen tijyekouaj. Uelis kiampa tijchiuasej kema titlajtolmoyauaj o kema tiitstokej ininuaya sekinok. Kiampa, tijchijtosej tlen kiijtoua Salmo 107:43: “Tlakamej tlen tlalnamikinij kimachilisej nochi ni tlamantli”.

• Tlen uelis tijchiuas: Ipan nopa tlaxeloli “Tlen tlauel ipati katli Biblia tlamachtia”, tikitaj kenijkatsa techpaleuia tlen tijpojkej ipan Biblia ipan nopa semana, nojkia uelis kiampa tijchiuas kema moselti timomachtis Biblia. Sejse semana ni tlaxeloli kiualika se tlajtlanili tlen uelis timochiuilisej, se keski tlamantli tlen uelis timoyoliljuisej uan tlaixkopinkayomej tlen techpaleuia kema timomachtiaj.