Tyina tutanga Ombimbiliya, matuvasi vala oviwa, pokwovolola umwe nawa ovipuka viapopiwa-mo. Mahi ouwa patyi matupolo-ko kokwovolola umwe nawa?

Heyulula umwe nawa oupuka wapopaiwa-mo. Ovipuka vimwe upondola okwovolola ongeevi ñgaa: Olie wahoneka, ovalie ahonekela, onalupi ahoneka. Ovityi vialingailwe pweetyi ehenehoneke, no pweetyi pahe ahoneka?

Opo utale etyi ulilongesila kweetyi waovolola, lipula ñgaa: ‘Ovanthu vokwahonekelwa vakalele ñgeni? Onontheto patyi onongwa ovanthu ava vali nambo? Oityi ndyina okuhetekela, ya omokonda yatyi? Oityi nahapondola okuhetekela, ya omokonda yatyi?’

Linga etyi welilongesa. Tyilinga movilinga viokwivisa, no movipuka ovikwavo vali ulingila vakwenyi. Ine otyo ulinga otyo, molingi omunongo ngeetyi Ombimbiliya yapopia. Yati: “Omuna-ndunge masoko nawa kovipuka ovio.” — Ovii. 107:43.

• Tyimwe upondola okulinga: Tala oñgeni etyi tyiya ponthele yokwati Olumono Lukahi Mondaka ya Huku, tyitukwatesako okulinga etyi tulongesiwa. Pononthele mbatyo opo, apeho peya omapulo etutwala kokusoka, no kokulitala nawa, nomalutalatu ena etyi etulongesa.