Twaba nitushoma Baibuli, nitubaasa kusherura eby’omuhendo ebiri omu Kigambo kya Ruhanga turikucondooza ebirikuhikaana n’ebi turikushoma. Kwonka shi nitubaasa kwongyera tuta kugasirwa?

Shwijuma gye obushonshorekye oburikukwata aha bi oriyo nooshoma. Nk’eky’okureeberaho, fayo kumanya n’oha owaabihandiikire, akabihandiikira baahi, n’obu yaabihandiika. Ni mbeera ki ezaabaire ziriho, niki ekyabaireho enyima, na bwanyima?

Teekateeka aha mashomo agu orikubaasa kwega orikucondooza aha bibuuzo nk’ebi: ‘Abantu abu ndikushomaho bakaba nibeehurira bata? Bakooreka mitwarize ki? Ahabw’enki nyine kubatooreza nari kutabatooreza?’

Ta omu nkora amashomo agu waayega, obundi waaba ori omu kubuurira nari orikukoragana n’abandi. Waakora otyo, noija kureeba oburungi bw’ebigambo bya Yesu ebi: “Ku muraabe nimumanya ebyo, muhiiriirwe mwaba nimubikora.”—Yoh. 13:17.

• Akakoryo: Teeraho kwetegyereza oku ebiri omu kicweka Eby’omuhendo Ebiri omu Kigambo kya Ruhanga ekiri omu ruteerane orw’aha gati ya saabiiti birikutuhwera kufayo kugyendera aha bi turikushoma. Ekicweka eki nikikira kubamu ebibuuzo ebi turikubaasa kwebuuza, enshonga z’okuteekateekaho, n’ebishushani ebirikubaasa kutuhwera kweshwijuma.