Linga tukubelenga Ibaibolo, tubaghile ukusyagha ifundo isyakukasya mwakufufuza. Loli ngimba tubaghile ukusayiwa bulebule nifundo isi?

Tufufuzeghe fiyo inkhani sya mu Baibolo. Mwakifwanikisyo, mummanyeghe uyu alembile inkhani, aba abalembile nakabalilo aka alembelagha. Ngimba ifindu fyali bulebule, findu fiki fyabombiwe kunyuma kangi findu fiki fyabombiwe ukufuma apo?

Tuketeghe ifundo isi tukumanyilapo mwakufufuza amalalusyo bo agha: ‘Ngimba abandu aba bikuyobiwa munkhani iyi bipilikagha bulebule? Ngimba tuyilo tuliku utu banangisyagha? Nongwa yafiki ngulondiwa ukukonga utuyilo utu pamo ukuleka ukukusya utuyilo utu?’

Tukongeghe ifundo isi tumanyile, lumo mubufumusi pamo muno mukubombela ifindu na bandu abangi. Linga mukubomba isi, mukunangisya ukuti muli namahala bo muno Ibaibolo likuyobela ukuti: “Uyu linga ali na mahala, yo aliyagha maso kuli sisisi.”—Sal. 107:43.

• Ifundo: Keta muno ifundo isya nkati mwasabata pakighaba ikyakuti Ikyuma iki Kikwaghiwa Mmasyu gha Kyala sikututulila ukukonga ifundo isi tumanyile. Utubalilo twingi, ikighaba iki kikuya namalalusyo agha tubaghile ukwilalusya, ifundo isi tubaghile ukukonga nififwanikisyo ifi tukumanyilako.