Библий ес берӕ хӕзнатӕ. Нӕ бон куд ӕй Библи уотӕ кӕсун, цӕмӕй си еци хӕзнатӕ иссерӕн?

Фулдӕр базонӕ, ци скъуддзаг кӕсис, уой туххӕй: зӕгъӕн, ка ’й ниффинста, кӕмӕ, кӕд ӕма ’й цӕхуӕн уавӕрти ниффинста, удта уой размӕ кенӕ уой фӕсте цӕхуӕн хабӕрттӕ ӕрцудӕй.

Дӕхецӕн си зундӕн ци райсдзӕнӕ, уобӕл расагъӕс кӕнӕ. Дӕ бон ӕй уӕхӕн фарстатӕбӕл расагъӕс кӕнун: «Ке туххӕй бакастӕн, еци адӕнмӕ цӕхуӕн ӕнкъарӕнтӕ адтӕй? Цӕхуӕн менеугутӕ сӕмӕ адтӕй? Цӕмӕй сӕ гъӕуама фӕнзон кенӕ уӕхӕн адӕймаг цӕмӕннӕ гъӕуама уон?»

Ци базудтай, уомӕ гӕсгӕ архайӕ, игъосун кӕнгӕй кенӕ ӕнӕуой царди. Ӕма уӕд дӕхебӕл балӕдӕрдзӕнӕ, Йесо ци загъта, уой: «Кӕд уой зонетӕ ӕма уотӕ кӕнтӕ, уӕд амондгун айтӕ» (Иоан. 13:17).

• Унаффӕ. «Нӕ киристон цард ӕма лӕггадӕ» ка хуннуй, еци фембӕлди еу хай хуннуй «Хуцауи дзурди хӕзнатӕ». Е нин ӕнхус кӕнуй, цӕмӕй расагъӕс кӕнӕн, ци гъудитӕ иссерӕн, етӕ нин нӕ царди ӕма нӕ лӕггади куд банхус кӕндзӕнцӕ, уобӕл. Фӕууй си, нӕ бон расагъӕс кӕнун кӕбӕл фӕууй, уӕхӕн фарстатӕ, гъудитӕ ӕма хузтӕ.