Ora gi heti rä Biblia, mänꞌa ma gi benefisia mu̱ gi hyoni mä nꞌa tu̱i rä imformäsio de näꞌä gi heti. ¿Hanja dä za gi ja?

Imbestiga märꞌa yä detalle. Dä hogi gi thädi nuya yä ntꞌani: ¿Toꞌo bi yꞌofo? ¿Hämꞌu̱ bi yꞌofo? ¿Toꞌo bi yꞌopäbi? ¿Te mi thogi näꞌä tiempoꞌä? ¿Te bi thogi änte ꞌne mꞌe̱fa de nuꞌmu̱ bi tꞌofo nuya yä noya?

Hyandi te dä za gi pädi de näꞌä gi heti. Ñꞌanise̱: «¿Te bi senti nuꞌu̱ yä jäꞌi no̱ni ha nunä ꞌmede? ¿Te mä hogä mꞌu̱i bi ꞌñudi ꞌne por hanja dä hogi gä de̱mbäbi yä ejemplo? ¿Te mä tsꞌo tꞌo̱tꞌe bi me̱fi ꞌne por hanja nuga hindi debe gä njabu̱?».

Pe̱fi ha ri mꞌu̱i näꞌä gä pädi. Ora gi predika o nuꞌmu̱ gi kombibi ko märꞌaa, trata gi pe̱fi näꞌä xkä pädi. Rä Mäkä Tꞌofo enä: «Toꞌo ja rä mfädi ma dä beni nuya yä tꞌo̱tꞌe» (Sal. 107:43).

• Gehnä dä za gi pe̱fi: Hyandi hanja xä thoki näꞌä rä parte de rä Programä pa yä mhuntsꞌi habu̱ enä «Yä tesoro de rä Noya Äjuä». Ha nunä parte ehe rꞌa yä idea, rꞌa yä ntꞌani ꞌne rꞌa yä foto nuꞌu̱ faxkägihu̱ gä ntso̱ꞌmihu̱. Bi thoki njabu̱ pa dä ꞌñutkägihu̱ hanja gä pe̱fihu̱ ha mä mꞌu̱ihu̱ nuꞌu̱ yä tsꞌofo uni rä Mäkä Tꞌofo. Geꞌä dä za gi pe̱fi ꞌnehe ora gi nxadi rä Mäkä Tꞌofo, trata gi tini nꞌa rä punto näꞌä gi handi ge ma dä maxꞌäꞌi ha ri mꞌu̱i.