Ora nos ta lesa Beibel nos ke hasi investigashon pa haña hoya spiritual. Pero kiko bo por hasi pa bo investigashon duna bo mas benefisio?

Buska mas detaye di e relato ku bo ta lesando. Por ehèmpel, ken a skirbi e parti ei? Pa ken el a skirbié i na ki tempu? Kon kosnan tabata e tempu ei? Kiko a pasa promé, i kiko a pasa despues?

Pensa riba e lèsnan ku bo por saka. Puntra bo mes: ‘Kon e hendenan den e relato a sinti? Ki kualidat nan a demostrá? Ki mi tin ku hasi pa mi sea imitá òf evitá e kualidatnan ei?’

Apliká e lèsnan kisas den sirbishi òf ora bo ta trata ku otro hende. E ora ei, lo bo ta sabí manera Salmo 107:43 ta bisa: “Hende sabí ta pensa riba e kosnan ei.”

• Tep: E sekshon Tesoro di e Palabra di Dios di nos reunion di den siman ta yuda nos siña buska lèsnan práktiko for di nos lesamentu. Ripará ku tur siman e sekshon ei tin pregunta ku nos por hasi nos mes, puntonan ku nos por meditá riba dje i plachi ku nos por analisá.