Wan wie de Bibel läsen un nosieekjen, dan kjenn wie väl wieetvollet finjen. Woo kaun ons dit noch dolla togood komen?

Acht opp de Eenselheiten von de Jeschichten enne Bibel. Du kaust biejlikj rutfinjen, wäa daut Poat jeschräwen haft, to wäm un wanea, woo de Omstend don wieren un waut doaver un doahinja passieed.

Denkj doaräwa no, waut du doavon lieren kaust. Sieekjt die waut no äwa soone Froagen aus dit: “Woo feelden de Menschen sikj? Waut vonne Ieejenschoften hauden dee? Wuarom wudd ekj dee äare Ieejenschoften sellen nodoonen ooda wuarom wudd ekj dee nich sellen nodoonen?”

Komm daut no, waut du lieescht. Veleicht kaust du daut em Deenst doonen ooda wan du em auljemeenen met de Menschen toop best. Wan du daut deist, dan wiest du, daut du weis best, soo aus de Bibel sajcht: “Freid hab jie, wan jie daut uk nokomen” (Joh. 13:17).

• Iedee: Acht doaropp, woo daut Poat “Wieetvollet ut Gott sien Wuat” von daut Toopkomen enne Wäakj die halpen kaun, doaräwa notodenkjen, woo du daut nokomen kaust, waut du doa lieescht. Daut Poat haft Froagen, waut wie ons selfst stalen kjennen un Sachen, wua wie äwa nodenkjen kjennen un Bilda, waut wie ons beseenen kjennen.