Taem iumi readim Bible, iumi savve faendem olketa gudfala point taem iumi duim research. Bat hao nao iumi savve kasem gud samting?

Dig go moa abaotem olketa detail blo olketa story lo Bible. For example, hu nao raetem datfala story, hem for hu, and wat taem nao hem raetem. Wat nao olketa situation, wat nao happen bifor, and wat nao happen afta?

Ting abaotem olketa leson wea iu savve lanem taem iu duim research lo olketa kwestin hia: ‘Hao nao feeling blo pipol insaed datfala story? Wat kaen wei nao olketa showimaot? Why nao iumi shud followim or avoidim olketa wei hia?’

Followim olketa leson wea iu lanem, maet lo ministry or taem iu deal witim olketa narawan. Taem iu duim datwan, hem showim iu garem wisdom. Bible sei: “Eniwan wea wise bae ting abaotem olketa samting hia.”—Ps. 107:43.

• Idea: Tingim datfala part Gud Samting From Bible lo midol week meeting wea savve helpem iumi for focus lo hao for followim olketa samting wea iumi lanem. Disfala part hem garem olketa kwestin wea iumi savve askem iumiseleva, olketa point for ting raonem, and olketa illustration for iumi ting raonem and followim.