Jesɨk tammayba jeʼm Biblia, tan̈kuaʼmiñ tun̈gak información siiga tampaʼttoʼoba wɨtampɨk an̈kejayoʼoyiyaj. Pero ¿tyi wɨap tan̈wat iga tayooxpaʼdyiñ jeʼm información?

Tanteguedaiñ jempɨk sɨʼ tammay. Juʼuts akwiñkejoʼoyi, ¿iapaʼap ijay, juchix ijay y ityam sɨʼ idyɨk ijɨʼyayyajta? ¿Tyityam naspa idyɨk ixɨʼ? ¿Tyi nas wiñtyi y okmɨ?

Tan̈kujɨɨxiñ tyi tan̈kejaʼyba. Tan̈kuaʼmiñ yɨʼpyaj akwagoʼoyiyaj ikutson̈oʼoyi: «¿Juʼuts in̈jaamyaj idyɨk jempɨk sɨʼ ijɨykimyajta? ¿Juʼutspɨk cualidades ikwiñkejyaj y tyiʼiga an̈watkiʼpsyajiñ? ¿Juutytyam jɨɨxtyogoyyaj y juutypɨk ayooxpaʼtpa iga odoy annaskaiñ jeempɨk?».

Tan̈watkiʼpxiñ jempɨk tan̈kuyujkaʼ. Juʼuts akwiñkejoʼoyi, jeʼm an̈matkuyjom o jesɨk tanamurupa tun̈gakyaj. Yɨʼɨmpɨgam tanakkupakpa jempɨk nɨmpa Salmo 107:43: «Jempɨk iniity joodon̈oʼoyi ijɨɨskupakneʼeba yɨʼpyaj cosas».

• Jɨɨxian̈chioʼoyi: Aʼmɨ iga jeʼm jaakaʼ juuty nɨmpa «An̈kejayoʼoyiyaj itywɨʼɨp Bibliajom» kɨʼpin̈tapaʼap en jeʼm an̈tuʼumaaji de entre semana iniity jeʼm jɨɨxi iga tan̈kuyujkataʼmiñ wɨtampɨk an̈kejayoʼoyiyaj, y jeempɨktyim waatɨ. En yɨʼp jaakaʼ tumtum semana inimiñba akwagoʼoyiyaj, an̈kejayoʼoyiyaj iga wɨap tan̈kujɨɨs y imagenyaj jempɨk wɨap tan̈kɨʼpin̈.