Bibliapita maslla yachakuyta munarqa estudianantsikmi. Peru ¿imatataq rurashwan estudianqantsik maslla yanapamänapaq?

Leyinqantsikta maslla entiendinapaq kallpachakushun. Kënömi pensanantsik: “¿Pitan kë libruta qellqarqan, imëtan qellqarqan y pikunapaqtan qellqarqan? ¿Qellqanqan witsanqa imakunapatan pasëkäyarqan? ¿Imatan pasakurqan manaraq qellqaptin y qellqar ushariptin?”.

Yachakunqantsikkunaman pensashun. Kënö tapukuykunapa respuestankunata ashishun: “¿Leyikanqä textuchö nunakunaqa imanötan sientikuyarqan? ¿Imanö nunatan kayarqan y imanirtan imatapis pëkunanö ruräman? ¿Imakunachötan pantayarqan y imanirtan pëkunanö ruramantsu?”.

Yachakunqantsiknö rurashun. Salmus 107:43 textuchömi kënö nin: “Yachaq nunaqa këkunamanmi yarparanqa”. Tsëmi yachatsikoq yarqurpis o nunakunawan parlarpis yachakunqantsiknö ruranantsik.

• Këkunata rurë: Semänachö rurakaq reunionchö, “Bibliapita alli yachakunapaq” neqqa, imanö yanapamänapaqmi pensashqa këkan. Tsënö rurarqa allim yachakushun. Tsëchöqa yachakunqantsikkunaman mas pensanapaqmi yanapamantsik, tapukuykunam kan y yachakunqantsikta maslla entiendinapaqmi dibüjukuna y fötukunapis kan.