Κάνα διαβάνασα ι Αγία Γραφή, μπορίνασα τι ρόντας για διαμάντια καζόμ κεράσα έρευνα. Αλλά σαρ μπορίνασα τι βοηθίντιβας ατζέ πο μπουτ;

Ρόντεν πο αχόρτ ο λεπτομέρειες κατά ιστορίες ι Γραφιάκε. Για παράδειγμας, σικλιόν κον γραφιντάς ανταλά εδάφια, κάσκε ντα κάνα. Σαρ ισινέ ο πράγματα αζομάν, σο αβιλόας-πες πο πριν ντα σο αβιλό-πες πο σοράν;

Ντικχέν σο σικλιόνα καζόμ κερένα έρευνα οπράλ ασακέ ερωτησιέντε: “Σαρ νιωθίνενας ο τζενέ ανταλέ ιστοριάτε; Καλά ιδιότητες σικαντέ; Σόσκε πρέπει τι σικαβάβ με-ντα ασακέ ιδιότητες ή σόσκε δεν πρέπει τι αρχίναβ τι τθεράβ ασακέ ιδιότητες;”

Κερέν οντουλά σο σικλιλέν, μπέκιμ κο έργος ή τουμαρέ ζωγιάτε. Καζόμ κερένα-λες ανταβά, σικαβένα ότι τθερένα ι Ντεβλέσκι σοφία. Σαρ βακερέλα η Γραφή: «Σαρέ οντουλά σο κερένα λέσκε εντολές μπορίνενα τι αγαβέν λατσσές ο πράγματα».​—Ψαλμ. 111:10.

• Ιδέα: Προσοχίνεν σαρ η ύλη σο ισί κο τμήμας «Θησαυροί σο Αρακχάσα κο Λάφι κι Ντεβλέσκο», κι συνάθροιση σο τθεράσα αντρέ κι εβδομάδα, βοηθίνελα-αμέν τι σκεφτίνας σαρ τι κεράς οντουλά σο σικλιλάμ. Μπουτ φαρ, ανταβά τμήμας τθερέλα ερωτήσεις σο μπορίνασα τι κεράς αμαρέ νεαυτόσκε, σημεία σο μπορίνασα τι σκεφτίνας λατσσές ντα φωτογραφίες σο μπορίνασα τι εξετάνας.