Tingaleri Bhibhlya tinakwanisa kusaka mpfuma zauzimu. Mphapo tinaphedzeka tani na kusaka kweneku?

Fufudzani mwadidi mphangwa zinango za m’Bhibhlya. Mwacitsandzo, bvundzikani: ‘Mbani adalemba mphangwa zenezi? Iye akhalembera ani? Mphangwa zenezi zalembwa lini? Ninji pikhacitika mu ndzidzi udalembwa izo? Ninji pidacitika mphangwa zenezi mbazidzati kulembwa? Ninji pidacitika pakumala kulembwa mphangwa zenezi?’

Nyerezerani pinthu pyakuti munakwanisa kupipfundza. Mwacitsandzo, bvundzikani: ‘Anthu analongwa m’mavesi anewa akhapibva tani? Ndi makhaliro api akhapangiza iwo? Thangwi yanji ndisafunika kutowezera makhaliro anewa? Ndi makhaliro api akuipa asafunika ine kucalira?’

Phatisirani pinapfundza imwe mu utumiki peno mu umaso wanu wa ntsiku na ntsiku. Mungacita pyenepi, munapangiza udziwisi, ninga pinalonga Bhibhlya pa Masalmo 107:43: “Munthu wandzeru anadzanyerezera pinthu pyenepi.”

• Maonero: Onani kuti mphangwa zinagumana ife pa khundu ya Mpfuma za Mafala a Mulungu ya misonkhano ya pakati pa sumana zinatiphedza tani toera kuphatisira pinapfundza ife m’Bhibhlya. Khundu ineyi isakhala na mibvundzo yakuti tinakwanisa kucitika, ntsonga zinango zakuti tinakwanisa kuzinyerezera na mafoto akuti anatiphedza toera kupfundza pizinji.