Lafa tsika mamaky Baiboly, le mila safira ara-panahy ka manao fikaroha. Fe ino ty azontsika atao mba tena hahasoa antsika raha rey?

Diniho soa ty tsipirian’ny tantara amy Baiboly ao rey. Anovo hay, ohatsy, hoe ia ty nanoratsy an’ny andinin-teny iny, natao ho an’ia raha iny, le nombia ty nanorata azy. Ino ty raha niseho tamy fotoa iny, le ino ty raha niseho talohany, noho tafaran’ny raha iny?

Eritsereto hoe ino ty azonao ianara baka amy tantara iny. Mametraha fanontanea hoe: ‘Ino ty nitsapan’olo retoa? Ino ty toetsy nananan-drozy? Manino aho ro tokony hiezaky hana an’ny toetsy retoa na hanalavitsy an’ny toetsy retoa?’

Oriho raha nianaranao iny. Mety hoe amy fanompoanao zay na amy fifandrambesanao amin’olo hafa. Ho hendry iha laha manao ani-zay. Zay mihintsy ty volanin’ny Baiboly hoe: “Handiniky ani-zay ty hendry.”​—Sal. 107:43.

• Soso-kevitsy: Henteo fa manampy antsika hifantoky amy fampihara ty raha ianarantsika, ty anjara amy fizarà hoe Hanana Lafovily baka amy Baiboly, amy fivoria andavanandro. Ahità ani-retoa matetiky ty amy fizarà io: Fanontanea azontsika eritserety, hevitsy azontsika vetsevetse, noho sary azontsika dinihy.