Nasifundza liBhayibheli, singafuna umcebo loseVini laNkulunkulu ngekutsi sicwaninge. Kodvwa yini lesingayenta kuze sizuze kakhulu kulomcebo?

Nakisisa tindzaba lokukhulunywa ngato eBhayibhelini. Sibonelo nje, naka kutsi yabhalwa ngubani lendzaba, wayibhalela bani futsi wayibhala nini. Betinjani timo ngesikhatsi ibhalwa, yini leyenteka ngaphambi kwekutsi ibhalwe nangemuva kwekubhalwa kwayo?

Cabanga ngetifundvo longatifundza ngekutsi ufune timphendvulo temibuto lenjengaletsi: ‘Bebativa njani bantfu lokukhulunywa ngabo kulendzaba? Ngubuphi buntfu lebebanabo? Kubaluleke ngani kutsi ngilingise buntfu babo nobe ngibugweme?’

Kusebentise loko lokufundzako, kungaba kulapho ushumayela nobe endleleni lophatsa ngayo labanye bantfu. Nawenta loku utawuhlakanipha, njengobe nje liBhayibheli litsi: “Bonkhe bantfu labahlakaniphile batatinakisisa letintfo.”​—Hla. 107:43.

• Lokungakusita: Naka kutsi loko lesikufundza emhlanganweni losekhatsi neliviki encenyeni letsi Umcebo LoseVini LaNkulunkulu kusisita njani kutsi sikusebentise loko lesikufundzako. Lencenye ivame kuba nemibuto lesingatibuta yona, emaphuzu lesingacabangisisa ngawo kanye netitfombe lesingatibuka.