మనం బైబిలు చదువుతున్నప్పుడు, పరిశోధన చేయడం ద్వారా రత్నాలను తవ్వొచ్చు. అయితే, ఎక్కువ ప్రయోజనం పొందాలంటే ఎలా పరిశోధన చేయాలి?

లోతుగా తవ్వండి. బైబిలు వృత్తాంతాల్లోని వివరాల్ని లోతుగా తవ్వండి. ఉదాహరణకు ఆ వృత్తాంతాన్ని ఎవరు, ఎవరికి, ఎప్పుడు రాశారు? అప్పుడు పరిస్థితులు ఏంటి? వాటికి ముందు, తర్వాత ఏం జరిగింది? అని ఆలోచించండి.

నేర్చుకోండి. ఈ ప్రశ్నల గురించి ఆలోచిస్తూ పరిశోధన చేయండి: ‘ఆ వృత్తాంతాల్లో ఉన్న వ్యక్తులకు ఏం అనిపించింది? వాళ్లు ఏ లక్షణాలు చూపించారు? వాళ్లలాగే నేను ఏ లక్షణాలు చూపించాలి లేదా ఏ లక్షణాలు చూపించకూడదు?’

నేర్చుకున్నవి పాటించండి. ప్రీచింగ్‌లో లేదా వేరేవాళ్లతో వ్యవహరిస్తున్నప్పుడు మీరు నేర్చుకున్నవి పాటించండి. అలాచేస్తే, దేవుడు ఇచ్చిన తెలివిని చూపించినట్లు అవుతుంది. బైబిలు ఇలా చెప్తుంది, “తెలివిగల వాళ్లందరూ వీటిని గమనిస్తారు.”—కీర్త. 107:43.

• చిట్కా: మీటింగ్‌ వర్క్‌బుక్‌లోని దేవుని వాక్యంలో ఉన్న సంపద అనే భాగంలో, మనం పాటించాల్సిన విషయాన్ని ఎలా ఇస్తున్నారో గమనించండి. ఈ భాగంలో మాములుగా మనం వేసుకోవాల్సిన ప్రశ్నల్ని, ధ్యానించాల్సిన విషయాల్ని, ఆలోచించాల్సిన చిత్రాల్ని ఇస్తారు.