ʻI heʻetau lau ʻa e Tohi Tapú, ʻe lava ke tau kumi ki ha ngaahi makakoloa fakalaumālie ʻaki ʻa e fekumi ki he ngaahi moʻoniʻi meʻa feʻungamālie. Ka ʻe lava fēfē ke tau maʻu ʻaonga kakato ange?

Keli loloto ange ki he fakaikiiki ʻo ha fakamatala Fakatohitapu. Ko e fakatātaá, fakapapauʻi pe ko hai naʻá ne hiki ʻa e talanoá, naʻe hiki kia hai, pea ʻanefē. Naʻe fēfē ʻa e tuʻungá ʻi he taimi ko iá, ko e hā naʻe hoko ki muʻa aí, pea ko e hā naʻe hoko hili iá?

Feinga ke ʻiloʻi ʻa e ngaahi lēsoní ʻaki ʻa e fekumi ki he ngaahi fehuʻi hangē ko e: ‘Naʻe ongoʻi fēfē ʻa e kakai naʻe kau aí? Ko e hā ʻa e ʻulungaanga naʻa nau fakahāhaá? Ko e hā ʻoku totonu ai ke u faʻifaʻitaki ki he ʻulungaanga ko iá pe fakaʻehiʻehi mei hono fakatupulekiná?’

Ngāueʻaki ʻa e lēsoni ʻokú ke akó, mahalo ʻi hoʻo ngāue fakafaifekaú pe fakafeangai ki he niʻihi kehé. ʻI hoʻo fai ení, ʻokú ke fakahāhā ai ʻa e poto fakaʻotuá, hangē ko e fakamatala ʻa e Tohi Tapú: “ʻIlonga ʻa ia ʻoku potó te ne siofi ʻa e ngaahi meʻá ni.”—Saame 107:43.

• Kiʻi fokotuʻu: Vakai ki he anga hono tokoniʻi kitautolu ʻe he fakamatala ʻi he Koloa mei he Folofola ʻa e ʻOtuá ʻi he fakataha lolotonga e uiké ke tokangataha ki he lēsoní. ʻI he konga ko ení ʻoku ʻi ai maʻu pē ʻa e fehuʻi ke tau ʻeke hifo, poini ke fakalaulauloto ki ai mo e fakatātā ke tau sivisiviʻi.