Tepo hi lerigo Bhibhiliya hi nga vbwetedzeya dzithomba nya liphuvbo khu gu gira wugevisisi. Ganiolu, hi nga wuyedwa kharini khu gu gira wugevisisi wowo?

Vega gupima ga satshavbo si pategago avba nya matimo nya Bhibhiliya. Khu giyeyedzo, dzi wudzise gu khuwe: Khu mani mulovi wakone? A di gu loveya vamani? Lini a nga lova? A di gu romo ga siemo muni? Ginani gi giregidego na si gu lovi ni hwane nya gu ba lovide?

Dundrugeya khesi u nga si hevbulago khu gu gira wugevisisi nya siwudziso sesi: ‘Vathu va nga khumbugwa omu nya matimo yoyo, va dzipwide kharini? Makhalelo muni va ma yeyedzidego? Khu ginani nyi yedego gu pimedzeya makhalelo yawe mwendro gu ma potsa?’

Thumisa esi u si hevbudego, adzina saye thumoni nyo tshumayele mwendro edzi u pharago khidzo vambe. Wa gu gira isoso, u na ba u yeyedza wugengeyi, nga Bhibhiliya yi ganeyago gu khiyo: “Oyu a gengedego a ngu thela kota khu silo sesi.” — Ndzi. 107:43.

• Mawonelo: Wona edzi mahungu hi ma manago avba nya mitshangano ya vbakari nya semana, avba nya gipandre Dzithomba nya Lito la Nungungulu ma hi phasago khidzo gu thumisa esi hi si hevbulago omu nya Bhibhiliya. Ga gipandre gegi, gu na ni siwudziso hi nga dzi girago, dzipontu hi nga dundrugeyago khidzo ni siyeyedzo hi nga si pimedzeyago.