A cikhati leci hi lerako Bhibhiliya, hi hlota titshomba ta moya hi ku maha mikambisiso. Kanilezvi, zvini zvi nga hi vhunako ku hi vhuneka khwatsi?

Gondza zvi eta a mitlhamuselo ya matimu ya Bhibhiliya. Hi cikombiso, hlola ku hi mani a nga tsala, i wa tsalela mani ni ku i tsalile rini. Ci wa hi cihi a ciyimo ka cikhati leco, zvini zvi humeleleko mahlweni ka lezvo ni ndzhako ka lezvo.

Wona zvigondzo u zvi kumako hi ku hlota mihlamulo ya zviwutiso zvo kota ku: ‘A vanhu lava u gondzako hi vona va wa ti zwisa kuyini? Matshamela muni va ma kombisileko? Hikuyini u faneleko ku pimanyisa kutani ku potsa matshamela yabye?’

Tirisa lezvi u gondzileko kuzvilava ntirweni wa wena wa kuchumayela kutani ka wutomi ga wena ga siku ni siku. Loku u maha lezvo, u komba ku u na ni wutlhari ga Nungungulu, kota lezvi a Bhibhiliya gi wulako, giku: ‘Loyi a tlharihileko a ehlekete lezvi zvilo’. — Lisimu 107:43.

• MAWONELA: Wona lezvi a mahungu ya mutlhangano wa laha cikari ka vhiki ka cipandze Titshomba ti nga ka Mhaka ya Nungungulu ma nga ku vhunisako zvona a ku tirisa lezvi u zvi gondzako. A kutala ka zvikhati, a cipandze leco ci kumeka ni zviwutiso hi nga ti mahako, timhaka hi nga ehleketako hi tona ni mifananiso hi nga yi kambisisako.