Engachi Bibliani arhintaaka, uaakachi sánderu ambe jirinhantani parachi ambakiti ambe jorhenguarhini. Joperu ¿ambechi jatsiski para úni parakajtsïni i ambe sési jimbo marhuacheni?

Ju je sánderu sési jirinhantani ambe ma. Pori ejemplu, uaakachi eratsentani ¿né karaspi indeni karakatani, na jatini karaspi ka néni karakuspi? ¿Ambe úkuarhixapi jiánisï? ¿Ambe úkuarhispi antesi ka ísï tátsekua?

Ju je eratsentani ambechi jorhenguarhisïni. Uaakachi ini ambe kurhamarhikuarhini: “¿Nénaksï pʼikuarherapi ima kʼuiripuecha engaksï i karakateecha jimbo jaka? ¿Náksï jásï kʼuiripuespi ka andisïni jatsi parani májkueni úni? ¿Ambeksï no sési úspi ka andisïni no jatsi parani májkueni úni?”.

Ju je ísï úni eskachi na jorhenguarhika. Pori ejemplu engachi uéraaka aianhpini o engachi máteru kʼuiripuechani jingoni jauaka, Ka ísïchi úni jauaka ambe enga arhijka Salmo 107:43: “Ima enga jánhastiika no méni mirikurhiati i ambe”.

• Ambe engajtsï uaaka úni: Exe je partini “Jukaparhakua ambe Biblieri” enga tánguarhikuarhu exekuarhijka entre semana jimbo. I parti jindeesti para exeni nénachi uaa úni ambe engachi jorhenguarhijka, ka indeni ejempluni kopieri je. Mándani semana, ini parti jimboksï jurhasïndi kurhamarhikuecha para jucha, ambe engachi jatsika para eratsentani ka imajeniichani engachi jatsika para exeani.