Eci tu tanga Embimbiliya, tu pondola oku sanga ovokuasi espiritu poku konomuisa ovina via longa. Pole, tu kuatisiwa ndati ciwa?

Konomuisa ondongosi ovolandu Embimbiliya. Ndeci, kũlĩhĩsa helie wa soneha ulandu waco, wa u sonehela velie kuenda otembo yipi. Yipi ya kala ekalo, nye ca pita tete kuenda nye ceya oku pita noke?

Sokolola ovolandu o pondola oku lilongisilako ndeci: ‘Omanu va tukuiwa va liyeva ndati? Ovituwa vipi va lekisa? Momo lie ndi sukilila oku setukula ovituwa evi, ale oku vi yuvula?’

Kapako ovina wa lilongisa, citava okuti kupange woku kunda ale konjila ndomo o linalĩsa lomanu vakuavo. Poku ci linga, o ka lekisa olondunge viocili ndomo Embimbiliya lia ci lombolola poku popia hati: “Omunu wosi ukualondunge o ka kapako ovina evi.”—Osa. 107:43.

• Onumbi: Sokolola ndomo o kapako onepa yohongele yi lingiwa vokati kosemana, okuti Ovokuasi a Sangiwa Vondaka ya Suku, oco yi tu kuatise ndomo tu kapako olonumbi viaco. Konepa eyi olonjanja vialua mu sangiwa apulilo tu pondola oku tiamisila kokuetu muẽle, atosi amue tu pondola oku sokolola kuenda ovindekaise tu sukila oku konomuisa.