Kenem Baibel gernamen kunum yu mem mane kurkane, yuwei kanpol tonamen. Ba kenem nalmal ere pake weieri sinamen?

Kurse mur pu, Baibel yubol pende meim mem kanpol tondol. Embe endel, yu e namal bom, boll namal ngom, kunum nenj bom, nawal pende min wom kunum bom. Nawal pende yero min wom ala, nawal pende bulto min wom?

Duwom enen wal, pilpol tonal nepin dal, ki embe mal meim mane omukro kur kanjel: ‘Yubol e paim bar tuwal monjup alamb nalmal pinjip? Enjep nal mambnem tanijip? Enjep tanijip mambnem na karkar enal mo, nanal?’

Duwom er kanen wal konganem endel e, Baibel yu neori kerel bar mo, alamb bol mambnem endel bar. Nim embe erin dal, Baibel dom mal bunuman ka karkar enen, embe dom: “Bunuman kapaim alamb wal porpor e, mane omukro kanam.”—Sng. 107:43.

• Duwom endel: Wakan tuwal makeromon bar yu ende kangem, Sape Ka Baibel a Wom padom bar, pakerondo duwom esmen wal nalmal konganem enamen mal pilkane esmen. Tambem ele, kunum kunum kenem kenem ki ngonamen meim, yu kerma buro pisamen meim, ala piksa pende omukro, kanamen meim eri.