Bo tuntanga Kibibila, tulenda tomba kiuka ki kiphevi muingi kubakula mambu mankinza. Vayi buidi tulenda luta bakila ndandu?

Fiongunina beni bivisa bi mambu ma Kibibila masalama. Dedi, tomba kubakula nani wusonika matangu beni, thangu kasonikina mawu ayi kuidi nani kama sonikina. Mambu mbi mamonika ava ayi bo kamana kusonika kinongu beni?

Visa mambu wunlonguka. Fiongunina biuvu dedi: Buidi batu bantubila mu kinongu akiokio ba yimuena? Zikhadulu mbi bawu bamonisa? Kibila mbi yifueti landikinina voti kubika kuna zikhadulu aziozio?

Sadila malongi belonguka bo widi mu kisalu ki kusamuna voti bo widi na bankaka. Ngie kuvanga mawu, wala monisa nduenga yi Nzambi dedi bummonisina Kibibila: ‘Mutu widi nduenga wumbotulanga thangu muingi kuyindula mu mambu amomo.’—Minku. 107:43.

• Mona: Malongi ma lukutukunu lu khati sabala mu kikhuku ki Kiuka Kidi mu Diambu di Nzambi, kilenda tusadisa kusadila mambu tunlonguka. Kikhuku akiokio, kidi biuvu tulenda yikuvusa ayi kumona mambu tulenda yindula ayi bifuani tulenda fiongunina.