Kéen k-xok le Bibliaoʼ, ¿baʼax unaj k-beetik utiaʼal k-kanik túumben baʼaloʼob? Kʼaʼabéet k-investigar. Chéen baʼaleʼ, ¿bix unaj k-beetik?

Chʼaʼ en cuenta uláakʼ baʼaloʼob. Kéen xooknakecheʼ kaxt u núukil le preguntaʼobaʼ: ¿Máax tsʼíibt le tekstoaʼ? ¿Baʼax kʼiin ka tu tsʼíibtaj? ¿Máax tiʼ tu tsʼíibtaj? ¿Baʼax táan u aktáantik le ka tu tsʼíibtoʼ? ¿Baʼax úuch antes yéetel ka tsʼoʼoki?

Tukult baʼax jeʼel a kanikeʼ. Utiaʼal leloʼ tuukulnen tiʼ le preguntaʼobaʼ: «¿Bix tu yuʼubiluba le máaxoʼob ku chʼaʼchiʼitaʼaloʼob teʼ tekstooʼ? ¿Baʼax jatsʼuts modosil tu yeʼesoʼob yéetel bix jeʼel in beetik jeʼex letiʼobeʼ? ¿Tuʼux fallarnajoʼob yéetel baʼaxten unaj in kanáantkinba tiʼ leloʼ?».

Tsʼáa ichil a kuxtal. Tsʼáa ichil a kuxtal le baʼax ka kanikoʼ, bey unaj a beetik kéen jóokʼkech kʼaʼaytaj bey xan kéen a tratart u maasil. Beyoʼ yaan a beetik le baʼax ku yaʼalik Salmo 107:43: «Le máaxoʼob yaan u naʼatoʼoboʼ yaan u tuukuloʼob tiʼ le baʼaloʼobaʼ».

• Beet lelaʼ: teʼ muchʼtáambal ku beetaʼal yáam semana teʼ jaats «Jatsʼuts baʼaloʼob k-kanik teʼ Bibliaoʼ», ku tsoʼolol bix jeʼel k-tsʼáaik ichil k-kutal le baʼax k-kanikoʼ. Cada semanaeʼ le jaatsaʼ ku taasik preguntaʼob bey xan dibujoʼob wa fotoʼob jeʼel u páajtal k-kaanbal tiʼ letiʼobeʼ.