Órni golno la Biblia, toib mod ni labúu guiyopyno cós ni rasac láani ngú, gony investigarno. Per ¿xí labúu gonyno par labúu gacné investigación cu lóono?

Nanoy guisuidyno ni rolno. Por ejemplo, ¿chú bicaʼ láani, pu dzú cuáni né par chú laabu cuáni? ¿Ximod góc dzúcu? ¿Xí láani góc antes né después?

Gonyno pensary ló lesiony ni rasuidyni lóono. Guiyopyno galrracapy xtuny galrranabdiitz xomod ndeʼ: «¿Ximod gosac buñ ni ritlaa ló historia reʼ? ¿Xí cualidad bislooyibu né xigony non guisuʼya layibu? ¿Púti bichéyibu né xigony diti non goni scúca?».

Guisobno lesiony ni bisuidyno. Por ejemplo, órni guireʼno yoʼ por yoʼ né órni guidzakno buñ. Modcu guisobno ni ná Salmo 107:43: «Ni naní xcalrrien sasetnaladx guirá ndeʼ».

• Ni labúu gonylo: Cuá cuidad ximod midid «Cós ni rasac ni sieed ló la Biblia», ni radudy ló reunión lainy xomal, rabeloguiaʼ tipnés cós ni labúu gacné lóono, né buny scúca. Guirá xomal, midid reʼ napni galrranabdiitz ni labúu gonyno lóocano, tipnés cós ni labúu gonyno pensary né dibuj ni labúu guisuidyno.