Μπιάντιλομ κο 1955. Ισινάμας τριν πφραλά, ντα με ισινόμας ο πο χουρντό. Μπαριλόμ πασέ κι νότια ακτή της Φινλανδίας, εκχέ περιοχιάτε σο ακανά βακέρντιβελα η πόλη Βάντα.

Μι ντάι μπολντιλί σαρ Μάρτυρας ι Ιεχωβάσκι χάνικ μπρεσά πριν τι μπιανέλ-μαν. Όμως μο ντατ τζάλας κόντρα κι αλήθεια ντα να μουκχέλας μι νταγιά τι κερέλ αμέντζαρ μελέτη ούτε τι λελ-αμέν πέσαρ κο συναθροίσεις. Οτθάρ, βόι σικλιαρέλας-αμέν ο βασικά πράγματα ι Γραφιάκε κάνα μο ντατ να ισινέ κχερέ.

Χουρντιαρέλα μπερί, μανγκάβας τι κεράβ ι Ιεχωβάς χαρούμενος. Για παράδειγμας, κάνα ισινόμας εφτά μπρεσένγκο, μι δασκάλα νευριασάλι μπουτ επειδή με να μανγκλόμ τι χαβ βεριλάτουγια (πισίες κερντέ ρατέσαρ σο χάνα-λεν κι Φινλανδία). Πι εκχέ βαστέσαρ προσπαθίνελας τι πουτρέλ μο μούι, ενώ πι γιαβερέ βαστέσαρ ασταρέλας ο πιρούνι σο τθερέλας οπράλ εκ κομμάτι πισία ντα προσπαθίνελας τι ντελ-μαν ζορίσαρ τι χαβ. Με όμως καταφεριντόμ τι περαβάβ ο πιρούνι λάκε βαστέσταρ.

Κάνα ισινόμας 12 μπρεσένγκο, μο ντατ μουλό. Σοράν ανταλέσταρ, μπορίναβας τι τζαβ κο συναθροίσεις. Ο πφραλά μι κχανγκιριάταρ σικαβένας μάνγκε ενδιαφέρον αντράλ πουμαρέ γκίσταρ, ντα ανταβά τσσιντιντάς-μαν τι κεράβ πνευματική πρόοδος. Αρχισάλομ τι διαβάναβ ι Γραφή κάθε ντιβές ντα τι σικλιαράβ-μαν συνέχεια κατά Χριστιανικά έντυπα. Ανταβά λατσσό πνευματικός πρόγραμμας  βοηθιντάς-μαν μπουτ ντα μπολντιλόμ 14 μπρεσένγκο, 8 Αυγούστου 1969.

Χάνικ πο σοράν αφού τελειωσάλομ ο σχολείος, λιντόμ ο τακτικός σκαπανικός. Αντρέ σε χάνικ εβδομάδες, γκιλόμ τι υπηρετίναβ οτθέ σο η ανάγκη ισινέ πο μπαρί, κο Πιέλαβεσι, πασέ κο κέντρος της Φινλανδίας.

Κο Πιέλαβεσι, γνωριντόμ τη Σίρκα, εκχέ τζουβλιά σο μανγκλόμ-λα ντα αβιλί μι ρομνί. Ταρτιντάς-μαν επειδή τθερέλας ταπεινός χαρακτήρας ντα ισινέ μπουτ πνευματική. Να μανγκέλας μπαρό ναβ ούτε τι τθερέλ μπουτ πράγματα. Ο ντούι-ντα μανγκάας μπουτ τι ντας σαρό αμαρό νεαυτός κι υπηρεσία κι Ιεχωβάσκι, ντα να χάλας-αμέν ανάγκη ο προνόμια. Παντρισάλαμ 23 Μαρτίου 1974. Αντίς τι κεράς ταξίδι του μέλιτος, γκιλάμ τι υπηρετίνας κι Κάρτουλα, εκχέ χουρντέ τθεμέστε, σο η ανάγκη τι βακέρντιβεν ο λατσσέ αμπέρια ισινέ ατζέ πο μπαρί.

Κατά αρχή αμαρέ μπιαβέσκι, ο Ιεχωβά σικαντάς αμένγκε ότι κα ντελ-αμέν οντουλά σο τθεράσα ανάγκη άμα αμέν τσσουβάσα πο ανγκλάλ σαριλένταρ ι Βασιλεία. (Ματθ. 6:​33) Για παράδειγμας, κι Κάρτουλα να τθεράας αυτοκίνητος. Κι αρχή, τθεράας σάντε ποδήλατος. Όμως, κο βεν κερέλας μπουτ σιλ. Ντα ο τομέας αμαρέ κχανγκιριάκο ισινέ μπουτ μπαρό. Οτθάρ, για τι κεράς έργος χρειαζίντιβαας αυτοκίνητος, αλλά να τθεράας λοβέ για τι κινάς-λες.

Εκ ντιβές, αβιλό τι ντικχέλ-αμέν εκ μι μπαρέ πφραλένταρ. Κερντάς αμένγκε εκ μπαρό δώρος. Ντινάς-αμέν πο αυτοκίνητος. Τθερέλας ποκιντό ι ασφάλεια. Αμέν σάντε χρειαζίντιβελας τι τσσουβάς βενζίνη. Αντικάς, τθεράας ο αυτοκίνητος σο χρειαζίντιβαας.

Ο Ιεχωβά σικαντάς αμένγκε ότι βοβ κα τθερέλας ι ευθύνη τι ντελ-αμέν οντουλά σο τθεράσα ανάγκη. Οντουβά σο έπρεπε τι κεράς αμέν ισινέ τι τσσουβάς πο ανγκλάλ σαριλένταρ ι Βασιλεία.

Καζόμ ισινάμας κι Σχολή Υπηρεσίας Σκαπανέα κο 1978, ο Ράιμο Κουόκανεν, a εκ κατά πφραλά σο ισινέ εκπαιδευτής κι σχολή, βακερντάς αμένγκε τι κεράς ι αίτηση για τι τζας κι Σχολή Γαλαάδ. Οτθάρ, αρχισάλαμ τι σικλιάς αγγλικά για τι μπορίνας τι τζας κι Σχολή Γαλαάδ. Όμως, κο 1980, πριν τι κεράς ι αίτηση, βακερντέ αμένγκε τι τζας τι υπηρετίνας κο Μπέθελ κι Φινλανδία. Οντουλά μπρεσά, ο Μπεθελίτες να μπορίνενας τι κερέν ι αίτηση για τι τζαν κι Γαλαάδ. Αλλά μανγκάας τι υπηρετίνας οτθέ σο ο Ιεχωβά κα μπουτσσαβέλας-αμέν, όχι οτθέ  σο μανγκάας αμέν. Οτθάρ, δεχτιντάμ τι τζας κο Μπέθελ. Όμως, συνεχίναας τι σικλιάς αγγλικά επειδή σκεφτίναας ότι εκ ντιβές μπέκιμ κα τθεράας ι ευκαιρία τι κεράς ι αίτηση για τι τζας κι Γαλαάδ.

Χάνικ μπρεσά πο σοράν, ο Κυβερνών Σώμας ντινάς εμ κο Μπεθελίτες ι ευκαιρία τι κερέν ι αίτηση για τι τζαν κι Γαλαάδ. Κερντάμ αμέσως ι αίτηση, αλλά όχι επειδή να ισινάμας χαρούμενοι κο Μπέθελ. Νακχάας μπουτ σουκάρ οτθέ! Απλά μανγκάας τι τζας τι υπηρετίνας οτθέ σο υπαρχίντιβελας πο μπαρί ανάγκη, άμα κα δεχτίνενας-αμέν. Τελικά, δεχτιντέ-αμέν κι Γαλαάδ ντα τελειωντάμ ι τάξη 79 κο Σεπτέμβριος 1985. Λιντάμ διορισμός τι τζας κι Κολομβία.

Κι Κολομβία, κι αρχή διορισάλαμ κο Μπέθελ. Προσπαθίναβας τι κεράβ ο πο λατσσό σο μπορίναβας μι διορισμόστε, αλλά αφού νακχλό εκ μπρες σο ισινόμας κο Μπέθελ, νιωθίναβας ότι χρειαζίντιβαβας εκ αλλαγή. Ισινέ η πρώτη ντα η μοναδική φαρ σο μανγκλόμ κατά πφραλά εκ γιαβέρ διορισμός. Σοράν, λιντάμ διορισμός τι κεράς έργος σαρ ιεραπόστολοι κι πόλη Νέιβα, κι περιοχή Ουίλα.

Πάντα μπεϊντίναβας ο έργος. Σαρ μπίπαντριμε σκαπανέας κι Φινλανδία, μερικές φορές κεράβας έργος μπουτ πρωί μέχρι ιράτ. Αλλά εμ κάνα παντρισάλαμ με τη Σίρκα, μερικές φορές ισινάμας σαστό ο ντιβές κο έργος. Κάνα κεράας έργος κο τομείς σο ισινέ μπουτ ντουρ, μπάζιμα σοβάας κο αυτοκίνητος. Ανταλέ τροπόσαρ, να χασαράας μπουτ αμαρέ σαατίσταρ κο ντρομά ντα μπορίναας τι αρχίνας ο έργος νωρίς ο γιαβέρ ντιβές.

Κάνα αβιλάμ ιεραπόστολοι, νιωθίναας πάλι ο ίδιος ενθουσιασμός ι εργόσκε σο τθεράας ανγκλέ. Αμαρί κχανγκιρί μπαριόλας ντα ο πφραλά ντα ο πφενιά κι Κολομβία σικαβένας αμένγκε σεβασμός, αγάπη ντα εκτίμηση.

Πασέ κι πόλη Νέιβα, οτθέ σο ισινάμας διορισμέ, ισινέ μερικές πόλεις σο να τθερένας καεκχέ Μαρτυράς. Σκεφτίναβας μπουτ φαρ σαρ κα βακέρντιβενας ο λατσσέ αμπέρια οντουλέ περιοχιέντε. Όμως, ιτιρί κατά ομάδες σο κερένας τζένγκι, ισινέ επικίνδυνος τι τζαν οντουλέ περιοχιέντε τζενέ σο να ισινέ οτθάρ. Οντουλέσκε, κεράβας προσευχή εκ τζενό οντουλέ τθεμένταρ τι σικλιόλ ι αλήθεια ντα τι αβέλ Μάρτυρας ι Ιεχωβάσκο. Αμντίναβας ότι, αφού αμέν κεράας έργος κι Νέιβα, εκ ασακό τζενό λογικά κα μπεσέλας κι Νέιβα για τι γνωρίνελ ι αλήθεια. Οτθάρ, κεράβας προσευχή, όχι σάντε τι γνωρίνελ ι αλήθεια, αλλά σοράν πι μπολντιμάσταρ τι κερέλ πνευματική πρόοδος ντα τι βουρτίνελ πι τθεμέστε για τι βακερέλ ο λατσσέ αμπέρια. Έπρεπε τι αγαβάβ όμως ότι ο Ιεχωβά τθερέλας εκ μπουτ πο λατσσί λύση μάνταρ.

Χάνικ πο σοράν, αρχισάλομ τι κεράβ μελέτη εκχέ τερνέσαρ, σο βακερένας λέσκε Φερνάντο Γκονσάλες. Βοβ μπεσέλας κι πόλη Αλγεσίρας, εκ οντουλέ τθεμένταρ σο να τθερέλας καεκχέ Μαρτυράς. Ο Φερνάντο κερέλας πο μπουτ από 50 χιλιόμετρα για τι τζαλ κι Νέιβα, σο οτθέ ισινέ λέσκι μπουτί. Κερέλας μπουτ λατσσί προετοιμασία κάθε φαρ πι μελετιάκε ντα αρχισάλο αμέσως τι αβέλ σαρέ κο συναθροίσεις. Ενώ ο Φερνάντο κερέλας μελέτη σάντε εκ εβδομάδα, γκίντελας τζενέν πι τθεμέστε ντα σικλιαρέλας-λεν οντουλά σο σικλιόλας κατά μελέτη.

Ο Φερνάντο κερντάς μελέτη σιοβ μασεκά, ντα μπολντιλό κο Ιανουάριος 1990. Χάνικ πο σοράν, αβιλό τακτικός σκαπανέας. Αφού ακανά υπαρχίντιβελας εκ τζενό κατά Αλγεσίρας σο ισινέ Μάρτυρας,  να ισινέ επικίνδυνος τι διορίνελ ο Μπέθελ ειδικέ σκαπανίν οτθέ. Κο Φεβρουάριος 1992, αβιλί η πρώτη κχανγκιρί κι πόλη οντιά.

Μήπως ο Φερνάντο κερντάς έργος σάντε πι τθεμέστε; Όχι! Αφού παντρισάλο, γκιλό γιεκ πι ρομνιάσαρ κο Σαν Βισέντε δελ Καγουάν, σε εκ γιαβέρ πόλη σο να τθερέλας Μαρτυρέν. Οτθέ βοηθιντέ τι αβέλ εκ κχανγκιρί. Κο 2002, ο Φερνάντο διορισάλο επίσκοπος περιοχής ντα, γιεκ πι ρομνιάσαρ, με την Όλγκα, συνεχίνενα ανταβά έργος μέχρι αντιβές.

Ανταβά σο αβιλό με τον Φερνάντο σικλιαρντάς-μαν καζόμ σημαντικός ισί τι κεράς προσευχή συγκεκριμέ πραγματένγκε σο τθερένα τι κερέν με το διορισμοί σο τθεράσα. Ο Ιεχωβά κερέλα οντουβά σο να μπορίνασα τι κεράς αμέν. Έτσι κι αλλιώς, ο Ιεχωβά γκίντελα ι τζενέν, όχι αμέν.​—Ματθ. 9:38.

Κο 1990, διορισάλαμ κο έργος περιοχής. Η πρώτη περιοχή σο γκιλάμ ισινέ κι πρωτεύουσα, κι Μπογκοτά. Ανταβά διορισμός ανέλας αμένγκε νταρ. Μι ρομνί ντα με ισινάμ απλά τζενέ χωρίς μπουτ ταλέντα. Ντα να ισινάμας σικλέ τι τζουβντιάς σε εκ μπαρί πόλη. Όμως, ο Ιεχωβά κερντάς τι νικιόλ μπαγιά η υπόσχεση σο ντέλα κο εδάφιος Φιλιππησίους 2:13: «Ο Ντεβέλ ισί οντουβά σο, μάξους πέσκε, κερέλα μπουτί αντρέ τουμέντε για τι κερέλ-τουμέν εμ τι μανγκέν εμ τι τθερέν ι ζορ τι κερέν πράγματα».

Σοράν, διορισάλαμ κι πόλη Μεδεγίν, οντιά σο βακερντόμ κι αρχή. Ισινέ αζόμ μπουτ βία κο ντρομά σο ο τζενέ συνηθιντέας-λα ντα να ενοχλίνελας-λεν. Για παράδειγμας, εκ φαρ σο κεράβας εκ μελέτη, μερικά τζενέ αβρί κατά κχερ σο ισινόμας αρχισάλε τι πυροβολίνεν ο εκ ι γιαβερές. Ισινόμας έτοιμος τι περάβ τελέ κο πάτωμας, αλλά ο τζενό σο κεράβας-λες μελέτη συνεχίνελας τι διαβάνελ ι παράγραφος σαρ μα τι αβέλας τίποτα. Κάνα τελειωντάς ι παράγραφος, μανγκλάς συγνώμη ντα νικίστιλο αβρί. Σοράν, βουρτισάλο ντουέ τσσαβέντζαρ ντα βακερντάς με ηρεμία: «Συγνώμη, αλλά έπρεπε τι τζαβ τι λαβ μι τσσαβέν».

Ανταγιά να ισινέ η μόνη φαρ σο αμαρί ζωή ισινέ σε κίνδυνος. Εκ φαρ σο ισινάμας κο έργος κχερ κχερέστε, μι ρομνί τθαβντισάλι μάντε ντα ισινέ μπουτ αναστατωμέ. Βακερντάς μάνγκε ότι εκ τζενό πυροβολιντάς-λα αλλά να ντινάς-λα. Με νταρασάλομ μπουτ. Όμως, σοράν αγαντάμ ότι ανταβά τζενό να μανγκέλας τι μουνταρέλ τη Σίρκα. Πυροβολιντάς εκχέ γιαβερέ τζενές σο νακχέλας πασέ λάταρ.

Καζόμ νακχέλας ο βακίτι, η βία κο ντρομά να αγχώνελας-αμέν αζόμ μπουτ. Ενθαρρύνελας-αμέν η ζορ ι πφραλένγκι σο μπεσένας οτθέ, σόσκε νακχένας ασακέ πράγματα ντα ατζέ πο χειρότερα. Αγαντάμ ότι, αφού ο Ιεχωβά βοηθίνελας λεν, κα βοηθίνελας αμέν-ντα. Πάντα ασουνάας ο συμβουλές σο ντένας-αμέν ο πρεσβύτεροι σο μπεσένας οτθέ, αρακχαβάας-αμέν ντα σαρέ ο γιαβερά μουκχάας-λεν κο βαστά κι Ιεχωβάσκε.

Όμως, μερικά πράγματα να ισινέ αζόμ επικίνδυνα σαρ τθεράας-λεν αμαρέ γκοντιάτε. Εκ ντιβές σο γκιλόμας σε εκ επίσκεψη, ασουντόμ ντουέ τζουβλίν τι ντεν βίκος ντα τι κουσέν-πες αβρί κατά κχερ. Να χάλας-μαν ανάγκη τι ντικχάβ σαρ χάνας-πες, αλλά η τζενί σο τθερέλας ο κχερ βακερντάς μάνγκε τι νικιάβ κι βεράντα. Τελικά, ισινέ ντούι παπαγάλοι σο κερένας ι φωνή ι τζουβλίνγκι σο χάνας-πες.

Κο 1997, διορισάλομ τι αβάβ εκπαιδευτής κι Σχολή Διακονικής Εκπαίδευσης. b Πάντα μανγκάβας τι νακχάβ θεοκρατικές σχολές, αλλά ποτές να νακχλόας μι γκοντιάταρ ότι κα τθεράβας ο σουκάρ προνόμιος τι αβάβ εκπαιδευτής σε εκ σχολή.

Σοράν, υπηρετιντόμ σαρ επίσκοπος περιφερείας. Κάνα ανταγιά υπηρεσία σταματισάλι τι αβέλ-πες, βουρτισάλομ κο έργος περιοχής. Αντικάς, 30 ντα πο μπουτ μπρεσά, υπηρετιντόμ με χαρά σαρ εκπαιδευτής, σαρ επίσκοπος περιοχής ντα σαρ επίσκοπος περιφερείας. Ανταλά διορισμοί αντέ μάνγκε μπουτ ευλογίες. Όμως να ισινέ σαρέ ο πράγματα εύκολα. Κα εξηγίναβ τουμένγκε σόσκε βακεράβα-λες ανταβά.

Τθεράβα ζουρανό χαρακτήρας. Ανταβά τθερέλα-μαν βοηθιντό τι νακχαβάβ μερικές δυσκολίες. Αλλά μερικές φορές, προσπαθιντόμ πο μπουτ από ό,τι έπρεπε για τι διορθώναβ μερικά πράγματα σο αβένας-πες κο κχανγκιριά. Κάποιες φορές, βακερντόμ με έντονος τρόπος μερικέ πφραλένγκε τι σικαβέν αγάπη ντα τι αβέν λογικοί ι γιαβερέντζαρ. Ο ωραίος όμως ισί ότι οντιά στιγμή με τθεράβας ι ανάγκη τι σικαβάβ ανταλά ιδιότητες.—Ρωμ. 7:21-23.

Κάποια ντιβεσά, χασαράβα μπουτ μι ζορ κατά λάθη σο κεράβα. (Ρωμ. 7:24) Εκ φαρ, βακερντόμ κο Ιεχωβά αντράλ κατά προσευχή ότι κα αβέλας πο λατσσό τι μουκχάβ μι υπηρεσία σαρ ιεραπόστολος ντα τι βουρτίναβ κι Φινλανδία. Οντιά ιράτ, γκιλόμ κι συνάθροιση. Η ενθάρρυνση σο λιντόμ οτθέ κερντάς-μαν σίγουρος ότι έπρεπε τι ατσσάβ μι διορισμόστε ντα τι συνεχίναβ τι κεράβ μπουτί οπράλ κο ατέλειες σο τθεράβα. Μέχρι αντιβές, λέλα-μαν ροϊπέ κάνα ντάβα-μαν γκοντί καζόμ ξεκάθαρα απαντιντάς μάνγκε ο Ιεχωβά οντουλέ προσευχιάτε. Επίσης, ισινόμ πφερντό εκτίμηση σο βοηθιντάς-μαν λατσσιμάσαρ τι νακχαβάβ μο αδυναμίες.

Η Σίρκα ντα με νιωθίνασα ότι χρωστάνασα αζόμ μπουτ πράγματα κο Ιεχωβά σόσκε ντινάς-αμέν ο προνόμιος τι αβάς κι ολοχρόνια υπηρεσία ο πο μπουτ μπρεσά αμαρέ ζωγιάκε. Επίσης, νιωθίναβα μπουτ μπαρί εκτίμηση σο ο Ιεχωβά ντινάς-μαν εκχέ ρομνιά σο σικαβέλα μπαρί αγάπη ντα πίστη σαρέ ανταλά μπρεσά.

Ατζεχάνικ κα πφάνταβ 70 μπρεσένγκο ντα ναστί αβέλα-πες τι υπηρετίναβ σαρ εκπαιδευτής κο θεοκρατικές σχολές ντα σαρ επίσκοπος περιοχής. Όμως ανταβά να στεναχωρίνελα-μαν. Σόσκε; Επειδή πακιάβα σαρέ μι γκίσαρ ότι ανταβά σο ντέλα ι πο μπαρί δόξα κο Ιεχωβά ισί τι αγαβάς αμαρέ όρια καζόμ υπηρετίνασα-λες, ντα αμαρό γκι τι αβέλ πφερντό αγάπη ντα εκτίμηση λέσκε. (Μιχ. 6:8· Μάρκ. 12:32-34) Για τι δοξάνας ι Ιεχωβάς, να χρειαζίντιβελα τι τθεράς εκ σημαντικός διορισμός.

Καζόμ σκεφτίναβα ο διορισμοί σο τθεράβας, αγαβάβα ότι να λιντόμ-λεν επειδή ισινόμας πο άξιος εκχέ γιαβερέσταρ. Ούτε λιντόμ ανταλά προνόμια επειδή τθεράβας εκ σημαντική ικανότητα. Καμία σχέση! Οκιά μπάνταρ, ο Ιεχωβά ντινάς-μαν ανταλά διορισμοί επειδή σικαντάς μάνγκε λατσσιπέ σο να αξίναβας-λες. Ντινάς-μαν ανταλά προνόμια παρόλο σο τθεράβας αδυναμίες. Τζανάβα ότι κερντόμ μο διορισμοί σάντε επειδή ο Ιεχωβά βοηθιντάς-μαν. Ανταλέ τροπόσαρ, μο αδυναμίες σικαντέ ξεκάθαρα ι ζορ σο τθερέλα ο Ντεβέλ.—2 Κορ. 12:9.