Li Genèse 25:29-34 é doumandé to kò si Ézayu ké Jakòb pran bon désizyon.

Fouyé pou konnèt tout istwè-a. Kisa ki rivé anvan sa ? (Gen. 25:20-28). Kisa ki rivé apré sa ? (Gen. 27:1-46).

Fè réchèrch asou ti détay-ya. A sa lépòk-a, ki drwa é ki rèsponsabilité prémyé garson roun Israyélit té gen ? (Gen. 18:18, 19 ; w10-F 1/5 13).

• Ès roun moun té oblijé gen sa kalité drwa-ya pou i sa roun gangan Mési-a ? (w17.12-F 14-15).

Réfléchi asou sa to anprann é apliké sa to anprann. Poukisa drwa roun moun té gen pas i té sa prémyé pitit-a té gen plis valò pou Jakòb ki pou Ézayu ? (Héb. 12:16, 17 ; w03-F 15/10 28-29). Kisa Jéova rousanti pou sa dé frè-ya, é poukisa ? (Mal. 1:2, 3). Kisa Ézayu té divèt fè pou pran pi bon désizyon ?

• Doumandé to kò : « Kouman mo pouvé montré ki mo lé fè Jéova plézi ? Ès mo ka pran tan chak simenn pou bagaj èspirityèl-ya, kou ladorasyon ké mo fanmi ? »