Lesa Genesis 25:​29-34 okutara kutja Esau na Jakob va toora omikambo omisemba poo indee.

Rihonga ovingi okuza ku imbi mbya tjitwa. Ovikwaye mbya tjitwa komurungu wanao? (Gen. 25:​20-28) Ovikwaye mbya tjitwa kombunda yanao?—Gen. 27:​1-46.

Konḓonona oukoto. Momayuva ngo, otjiveri aatji sokutjita tjike nu ovikwaye mbyaa yenene okumuna?—Gen. 18:​18, 19; w10-E 5/1 13.

• Hapo omundu aa hepa okurira otjiveri kutja Messias ma rire ondekurona ye? (w17.12 14-15)

Ripurira koviṋa mbi we rihongo nu u vi ungurise. Omena raye ourumbi tji tja ri otjiṋa otjinanḓengu ku Jakob okukapita Esau? (Hebr. 12:​16, 17; w03-E 10/15 28-29) Jehova wa ri noumune uṋe ohunga novarumendu vevari mba, nu omena raye? (Mal. 1:​2, 3) Ovikwaye Esau mbya tja yenena okutjita kutja ma toore omikambo omisemba?

• Ripura omuini kutja, ‘Omomuano uṋe mu me yenene okuraisa kutja mbi vanga okuyorokisa Jehova indu tji me tye kutja oruveze rwandje me ru ungurisa vi mokati kotjivike, tjimuna okutwa po oruveze komerikotameneno weṱunḓu?’