Bibbigan i Genesis 25:​29-34 tapenu mammuammu nu mapia kari i desision ira nga kingngua ni Esau anna ni Jacob.

Ammuan tu mapia i konteksto. Anni i nesimmu nige natun? (Gen. 25:​20-28) Anni i tumunug ira nga nesimmu?—Gen. 27:​1-46.

Gigiammuan i mas aru paga nga detalye. Tatun ira nga tiempo, anni ira i pribilehio anna responsibilidad na kaka nga ana nga lalaki?—Gen. 18:​18, 19; w10-TG 5/1 13.

• Kanayun kari nga nelavu tatun ira nga pribilehio i pabbalin tu ginafuan na Mesias? (w17.12 14-15)

Pannonopan i magigiammum ira anna iyaplikam. Ngatta mas importante kani Jacob i pribilehio ira na pabbalin tu kaka nga ana kumpara kani Esau? (Heb. 12:​16, 17; w03-TG 10/15 28-29) Anni i natageno ni Jehova tatun nga mawwagi, anna ngatta? (Mal. 1:​2, 3) Anni nakuan i tanakuan nga kingngua ni Esau tapenu makangngua yayya tu mas mapia ira nga desision?

• Iyavu mu ta baggim, ‘Ta linigguan nga kukukuakku, kunnasì mepasingan nga importante niakan i espiritual ira nga gannug, kagitta na pangiskediul ta family worship?’