Jé Ohútu 25:​29-34 o ya ɛɛ ku a nwu ɔdaŋ ka Isɔ mla Ujekɔpu ya ōmiya ku ijeeyi.

Nwu ɛlā tōōtɔ̄ɔ̄ ŋma aɛlā nōo yɛ jila ɔ ta a. ɔdi ya gbɔbu a? (Ohút. 25:​20-28) Ɔdi ya igbihaajɛ a?—Ohút. 27:​1-46.

Jila ɛlā má tōōtɔ̄ɔ̄ lɛyikwu ɔ. Ɛpleeko ɔɔma, aɛga mla auklɔ nyá nɛ ayi acɛnyilɔ aflɛyi lɛ a?—Ohút. 18:​18, 19; w10 5/1 13.

• Ɔcɛ cɛgbá ō wɛ ɔyi ɔcɛnyilɔ aflɛyi piii gbɔbu ɛɛ kóō ku Umɛsayiya kóō ŋma ipu ɔma ku nu? (w17.12 14-15)

Gbɛla tu aɛlā nɛ a nwu a, cɛɛ ku a bi uwa le yuklɔ. Ɔdiya nɛ ɛnɛɛnɛ ɛga ō wɛ ɔyi aflɛyi a cɛgbá lɛ Ujekɔpu nɛɛnɛhi fiyɛ Isɔ a? (Uhíb. 12:​16, 17; w03 10/15 28-29) Ɛgɛnyá nɛ ɔtu ya Ujehofa lɛyikwu ayinɛ ɛpa a, ɔdi kē ya a? (Umál. 1:​2, 3) Ɔdi nɛ Isɔ lɔfu yɛ i ya, o ya ɛɛ kóō ya ōmiya ku ijeeyi a?

• Da iyi uwɔ ɔka kahinii, ‘Ɛgɛnyá nɛ um gáā lɔfu mafu ka ɛ̄gbā ō gba ku Ujehofa cɛgbá gā um nɛhi, eko duuma nɛ um yɔ i miya ɛgɛ nɛ um géē bi eko ku um yuklɔ ipu Alaadi, o ya ɛɛ ku um má ka um lɛ eko ō bi le ya ɛ̄gbā ō gba ku apɔlɛ a?