Tángá Ebandeli 25:​29-34 mpo na koyeba soki Esau ná Yakobo bazwaki bikateli ya bwanya.

Kɔtá na mozindo ya lisolo yango. Nini esalemaki liboso? (Eba. 25:​20-28) Nini esalemaki na nsima?—Eba. 27:​1-46.

Kɔtá na mozindo mpo oyeba makambo ya mikemike. Na ntango wana, mwana mobali ya liboso azalaki na ntomo mpe mikumba nini?—Eba. 18:​18, 19; w10 1/5 13.

• Ntomo yango esɛngaki kaka ete moto azala mwana ya liboso mpo azala nkɔkɔ ya Masiya? (w17.12 par. 14-15)

Bimisá mateya, mpe salelá yango. Mpo nini Yakobo apesaki lotomo ya kozala mwana ya liboso motuya mingi koleka Esau? (Ebr. 12:​16, 17; w03 15/10 lok. 28-29) Ndenge nini Yehova atalelaki bandeko yango mibale, mpe mpo na nini? (Mal. 1:​2, 3) Esau akokaki kosala makambo ndenge nini mpo azwa bikateli ya malamu koleka?

• Omituna boye: Ndenge nini nakoki komonisa ete nazwaka makambo ya elimo na motuya pɔsɔ na pɔsɔ, na ndakisa na oyo etali programɛ ya losambo na kati ya libota?