Hlɛn Gɔnmɛjeje 37:​23-28; 39:​17-23 yí akpla nu so lé Ʒozɛfu do eji do hwenu yí wowa enumajɔmajɔ koɖi.

Bu tamɛ kpɔ so enu ciwo yí trɔdo nyɔ lɔ nu. Nyi yí dɔ yí wowa xomɛveve nu ŋtɔ́ koɖo Ʒozɛfuɔ? (Gɔnm. 37:​3-11; 39:​1, 6-10) Keke na nɔ hwenu yí Ʒozɛfu do eji le enumajɔmajɔ ci wowa koɖi mɛɔ? (Gɔnm. 37:2; 41:46) Le hwenu ŋtɔ́ mɛ ɖe, nyi Yehowa wa nɔ Ʒozɛfuɔ, vɔ nyi yí Dewaɔ?—Gɔnm. 39:​2, 21; w23.01 17 ¶13.

Ji dwi ni kpɔ doji. Bibla denu mɔ Ʒozɛfu wa ŋɖe yí sɔ hwlɛn ta nɔ yiɖeki, hwenu yí Potifa ashiɛ kan ŋsu do nu ni o. Lé kpukpui cɛ ciwo yí gbɔgbɔ atɛnŋ akpedo mì nu mìabu tamɛ kpɔ yí akpɔ enu ci yí taɖo Ʒozɛfu aɖui mɔ yeakpɔtɔ abɔ nu, koɖo enu ci yí taɖo deʒan mɔ woanu enyɔ lɔwo pleŋ nɔ mì hlɛnhlɛnhlɛn ɔ? (Elo. 20:2; Ʒan 21:25; Edɔ. 21:37) Nɔnɔmɛ ciwo yí tɛnŋ kpedo Ʒozɛfu nu yí edo ji hwenu yí wowa enumajɔmajɔ koɖiɔ?—Mishe 7:7; Luiki 14:11; Ʒaki 1:​2, 3.

Nyiwo mìakpla so mɛɔ? Biɔ eoɖeki se mɔ:

• ‘Ci ŋnyi Yesu nukplavi ɖe, enumajɔmajɔ ci yí nakpɔkɔ emɔ mɔ woatɛnŋ avawa koɖoŋ ɔ?’ (Luiki 21:​12, 16, 17; Ebre. 10:​33, 34)

• ‘Lé natɛnŋ adrado ɖɛ keŋ ava do ji le enumajɔmajɔ ci woavawa koɖoŋ mɛɔ?’—Eha. 62:​7, 8; 105:​17-19; w19.07 2-7)