Akʉra Génesis 37:​23-28; 39:​17-23 José yiza ʉ̃rʉ kʼawuaita, sãwũã awuantaita dayirã zʉbʉria opanʉne.

Biʼia akʉra testoba nãã akʉza tẽã kʼãrẽ jarabʉta. ¿Kʼãrẽa zʉbʉria osida Joséra? (Gén. 37:​3-11; 39:​1, 6-10). ¿Ewari sõbebayeda awuataibarabasi Josébara iyi zʉbʉria opanʉra? (Gén. 37:2; 41:46). ¿Maʉ̃ne Jeowaba kʼãrẽta osi José kʼareara akʉza kʼãrẽta oẽ basi? (Gén. 39:​2, 21; w23.01 17 parr. 13).

Audre bia kʼawuara. Potifar kimaba José ʉ̃rʉ sewidata jarasimina, Daizeze Bedʼeaba jara ẽ Josébara nekʼãrẽ osita iyiare bedʼeaita. ¿Naʉ̃ra testo ʉ̃rʉ krĩchaiba sãwũã kʼarebabʉ kʼawuaita Joséra kʼãrẽa kʼãrẽ jara ẽ basita maʉ̃ ʉ̃rʉra? Mawũã ẽ bʉrʉ, ¿kʼãrẽa jʉ̃ã ẽ baibara dayirãbara maʉ̃ ʉ̃rʉ jõma jara ũrĩbidamarẽã? (Prov. 20:2; Juan 21:25; Hech. 21:37). ¿Kʼãrẽ nebiaraba kʼarebasi Joséra iyi zʉbʉriabipanʉ awuantaita? (Miq. 7:7; Luc. 14:11; Sant. 1:​2, 3).

Akʉra naʉ̃ba kʼãrẽta jaradiabʉta. Bʉyikʉza widira:

• «¿Jesu kʼaidubema kʼarea krĩña sãwũã oseapanʉ mʉ̃ra?» (Luc. 21:​12, 16, 17; Heb. 10:​33, 34).

• «¿Sãwũã oseabʉ mʉ̃ara kʼãwũã wedaʉba ʉ̃ra zeide bedʼea zroma ũdui kʼarea?» (Sal. 62:​7, 8; 105:​17-19; w19.07-S 2-7).