Pejcan Génesis 37:23-28; 39:17-23 chaʼan maʼ qʼuel chuqui tac ti wocol tsiʼ ñusa José.

Ñumen cʌñʌ jiñi relato. ¿Chucoch tsiʼ ñusa José jiñi? (Gn. 37:3-11; 39:1, 6-10). ¿Bajcheʼ jalel tsiʼ lʌtʼʌ? (Gn. 37:2; 41:46). Cheʼ bʌ woliʼ ñusan wocol, ¿chuqui tsiʼ mele Jehová tiʼ tojlel José, i chuqui jiñi maʼañic bʌ tsiʼ mele? (Gn. 39:2, 21; w23.01 17 párr. 13).

Ñumen chaʼlen ti investigar. Jiñi Biblia maʼañic miʼ yʌl mi José tsiʼ ñopo i coltan i bʌ cheʼ bʌ jiñi i yijñam Potifar tsiʼ yʌlʌ mach bʌ i sujmic tiʼ tojlel. Mi maʼañic tsiʼ colta i bʌ, ¿chucoch maʼañic tsiʼ mele? (Laja yicʼot Proverbios 20:2 yicʼot Hechos 21:37). ¿Chucoch jiñi Biblia maʼañic miʼ luʼ al chuqui tsaʼ ujti ti jumpʼejl relato? (Laja yicʼot Juan 21:25). ¿Chuqui tac ti melbalʌl tsiʼ colta José chaʼan miʼ lʌtʼ jiñi wocol tac? (Mi. 7:7; Luc. 14:11; Sant. 1:2, 3).

Ñaʼtan chuqui miʼ mejlel a cʌn. Cʼajtiben a bʌ:

• «¿Chuqui tac ti wocol miʼ mejlel c ñusan cheʼ xcʌntʼañon i chaʼan Jesús?» (Luc. 21:12, 16, 17; Heb. 10:33, 34).

• «¿Chuqui mi caj i coltañon chaʼan mic lʌtʼ jiñi wocol tac?» (Sal. 62:7, 8; 105:17-19; w19.07 2-7).