MAMBU TULENDA LONGOKA
Zizidila Kondwa kwa Unsongi
Tanga Tuku 37:23-28; 39:17-23 muna zaya e mpila ya zizidila konkwa kwa unsongi muna nona kia Yosefe.
Fimpa mambu mavitidi ye mana malende muna lusansu. Nki kiafila akaka mu lembi kadila yo Yosefe kuna unsongi? (Tuku 37:3-11; 39:1, 6-10) Mvu nkwa Yosefe kazizidila o kondwa kwa unsongi? (Tuku 37:2; 41:46) Muna kolo kiokio, nkia diambu Yave kavanga mu kuma kia Yosefe ye nkia diambu kavanga ko?—Tuku 39:2, 21; w23.01 luk. 17 tini kia 13.
Vava zaya diaka mankaka. Bibila ke kivovanga ko vo Yosefe wakitanina muna mambu kavuninua kwa nkaza Potifa. E sono ina ova yanda aweyi ilenda kutusadisila mu bakula e kuma Yosefe kabakila nzengo za butama? Yovo ekuma ke tufwete vingidila ko vo mambu mawonso matoma masenzekwa? (Nga. 20:2; Yoa. 21:25; Mav. 21:37) Nkia fu yasadisa Yosefe mu zizidila o vilwa?—Mika 7:7; Luka 14:11; Yak. 1:2, 3.
Vava solola mana olenda longoka. Ukiyuvula:
-
‘Wau vo i nlongoki a Yesu, nkia vilwa ndenda vingila vo isinga wanana wau?’ (Luka 21:12, 16, 17; Ayib. 10:33, 34)
-
‘Aweyi ndenda kubamena muna zizidila vilwa una ufwene?’ (Nku. 62:7, 8; 105:17-19; w19.07 luk. 2-7)