Mubale Genese 37:​23-28; 39:​17-23 kuli muzibe zenetusize Josefa kuitiisa hanaaezizwe ka kusaluka ni zemukona kuituta kwa mutala wahae.

Mubatisise litaba zeñwi zeswalisana ni taba yeo. Ki lika mañi zenetahisize kuli Josefa aezwe ka kusaluka? (Gen. 37:​3-11; 39:​1, 6-10) Josefa naaezizwe ka kusaluka ka nako yekuma kai? (Gen. 37:2; 41:46) Ka nako yeo, ki lika mañi zanaaezize Jehova kuli atuse Josefa, mi ki lika mañi zanaasika eza?—Gen. 39:​2, 21; w23.01 17 ¶13.

Mubatisise litaba zeñwi ka butungi. Bibele haitalusi kuli kunani zanaaezize Josefa kuli akenise libizo lahae hanaatamelelizwe taba ya buhata ki musalaa Potifaro. Mañolo alatelela akona kulutusa cwañi kuutwisisa libaka ili leo mwendi nelitahisize kuli Josefa aikatulele kukuza feela kamba libaka halusa swaneli kulibelela kuli lukapatululelwa litaba kaufela? (Liprov. 20:2; Joa. 21:25; Lik. 21:37) Ki tufi tulemeno ili to mwendi netutusize Josefa kuitiisa hanaaezizwe ka kusaluka?—Mika 7:7; Luka 14:11; Jak. 1:​2, 3.

Mulemuhe zemuituta. Muipuze kuli:

• ‘Ki mwa linzila lifi monikona kulibelela kuli nikaezwa ka kusaluka kabakala kuba mulutiwa wa Jesu?’ (Luka 21:​12, 16, 17; Maheb. 10:​33, 34)

• ‘Ki lika mañi zenikona kueza ka nako ya cwale zeka nitusa kuitiisa hanika ezwa ka kusaluka?’ (Samu 62:​7, 8; 105:​17-19; w19.07 2-7)