Tanga Ngalwilo 37:​23-28; 39:​17-23 umone muswelo wāuminine Yosefa bukondame.

Bandaula myanda idi mu mavese abadikile ne alonda’ko. Le i bika byālengeje bantu bakwabo balongele Yosefa bintu na bukondame? (Ngo. 37:​3-11; 39:​1, 6-10) Le Yosefa wāuminine bukondame mu bula bwa myaka inga? (Ngo. 37:2; 41:46) Le mu bula bwa kino kitatyi, Yehova wālongēle Yosefa bika, ino i bika byākalongelepo?—Ngo. 39:​2, 21; w23.01 p. 17 mus. 13.

Kimba kuyukila’ko myanda mikwabo. Bible kanenapo amba Yosefa wēbingije ku bubela bwāmubepele mukaja Potifela. Le bino bisonekwa bilonda’ko bitukwasha namani tumone kine kyālengeje padi Yosefa atonge kūba talala, nansha kine kyoketufwaninwepo kutengela kuyuka myanda yonso? (Nki. 20:2; Yoa. 21:25; Bil. 21:37) Le i ngikadila’ka padi yākweshe Yosefa ōminine bukondame?—Mika 7:7; Luka 14:11; Yak. 1:​2, 3.

Langulukila pa ñeni yobwanya kuboila’ko. Wiipangule amba:

• ‘Le byondi mwanā bwanga wa Yesu, i bukondame’ka bobabwanya kunongela?’ (Luka 21:​12, 16, 17; Bah. 10:​33, 34)

• ‘Lelo i muswelo’ka ombwanya kwiteakanya mwa kūminina bukondame?’ (Ñim. 62:​7, 8; 105:​17-19; w19.07 p. 2-7)