Tangenu Kuputuka 37:​23-28; 39:​17-23 mangana mulinangule kuli Yosefwe uze omikile omu vamulingile mwamupi.

Shinganyekenu hamujimbu kana. Vyuma muka vyalingishile Yosefwe vamulinge mwamupi? (Kupu. 37:​3-11; 39:​1, 6-10) Yosefwe omikile hamyaka yingahi? (Kupu. 37:2; 41:46) Vyuma muka alingile Yehova halwola kana, kaha vyuma muka vize kalingileko?—Kupu. 39:​2, 21; w23.01 18 pala. 13.

Hehwojolenu mujimbu kana. Mbimbiliya kayahanjika ngwayo Yosefwe alihakwililile ivene omu pwevo lyaPotefwale amuvangijikilileko. Uno visoneka vinakavangizaho vinahase kutukafwa ngachilihi tushinganyeka ovyo vyalingishile Yosefwe ahone kuhanjika chuma numba chimwe, chipwe ovyo katwatela kufwila kutulweza mujimbu wosenako? (Vishi. 20:2; Yowa. 21:25; Vili. 21:37) Vilinga muka pamo vyakafwile Yosefwe omike?—Mika 7:7; Luka 14:11; Yako. 1:​2, 3.

Wanenu vyuma munalinangula. Lihulisenu ngwenu:

• ‘Hakuwana nge ngwapwa ngukambaji kaYesu, luyanjisa muka ngunahase kumona?’ (Luka 21:​12, 16, 17; Hepe. 10:​33, 34)

• ‘Vyuma muka ngwatela kulinga oholyapwa vize navikangukafwa ngukomike nge vanangulingi mwamupi?’ (Samu 62:​7, 8; 105:​17-19; w19.07 2-7)