Тӱҥалтыш 37:23—28; 39:17—23 лудын лекса да пален налза, могай несправедливость дене Иосиф тӱкнен.

Контекстым шымлен налза. Молан Иосиф несправедливость дене тӱкнен? (Тӱҥ. 37:3—11; 39:1, 6—10). Мыняр жап тиде шуйнен? (Тӱҥ. 37:2; 41:46). Иосифын неле жапыштыже Иегова тудлан мом ыштен, а мом ыштен огыл? (Тӱҥ. 39:2, 21; w23.01-U 17, абз. 13).

Деталь-влакым келгын шымлен налза. Иосиф Потифарын ватыжын шоя ойлымыж деч шкенжым аралаш тыршен манын, Библийыште возымо огыл. Кузе нине библийысе почеламут-влак — Притчи 20:2, Иоаннын 21:25 да Апост. пашашт 21:37 — тыгай йодыш-влак нерген шонкалаш полшат: «Молан Иосиф шкенжым аралашлан нимомат каласен огыл? Библийыште тиде историй нерген чылажат возымо лийшаш манын, молан вучаш огеш кӱл?» Кузе шонеда, могай койыш-влаклан кӧра Иосиф несправедливостьым чытен лектын? (Мих. 7:7; Лук. 14:11; Иак. 1:2, 3).

Мыланна урок-влак. Шке деч йодса:

• «Мый Иисусын тунемшыже лиймемлан кӧра могай несправедливость дене тӱкнен кертам?» (Лук. 21:12, 16, 17; Евр. 10:33, 34).

• «Ончыкыжым несправедливостьым чытен лекташлан кузе мый уже кызытак ямдылалтын кертам?» (Пс. 61:8, 9; 104:17—19; w19.07-U 2—7).