Kenga Gyɛnɛsese 37:​23-28; 39:​17-23 na sukoa debie fi kɛzi Dwosefi gyinlanle nzisi nloa la anu.

Suzu edwɛkɛ mɔɔ ɛnee ɛlɛsisi la anwo. Duzu ati a bɛ nee Dwosefi anli ye boɛ a? (Gyn. 37:​3-11; 39:​1, 6-10) Mekɛ tendenle nyɛ a ɛnee ɔwɔ kɛ Dwosefi gyinla nzisi nloa a? (Gyn. 37:2; 41:46) Wɔ mekɛ zɔhane, duzu a Gyihova yɛle maanle Dwosefi a, na duzu a yeanyɛ a?—Gyn. 39:​2, 21; w23.01 17 ¶13.

Sukoa dɔɔnwo. Baebolo ne ɛnga kɛ Dwosefi hanle somolɛ mɔɔ Pɔtefaa aye ne bɔle ye la anwo bie kɛ ɔfa yealie ɔ nwo. Kɛzi ngɛlɛlera ɛhye mɔ baboa yɛ yeamaa yɛadwenle deɛmɔti Dwosefi kpale kɛ ɔnrɛdendɛ anzɛɛ deɛmɔti ɔnle kɛ yɛmaa yɛ nye da kɛ anrɛɛ ɔwɔ kɛ bɛka mɔɔ zile la amuala bɛkile yɛ la anwo ɛ? (Mrɛ. 20:2; Dwɔn 21:25; Gyi. 21:37) Subane boni mɔ a ɔbayɛ kɛ ɔboale Dwosefi ɔmaanle ɔgyinlanle nzisi nloa a?—Maeka 7:7; Luku 14:11; Gye. 1:​2, 3.

Kpondɛ ɛzukoalɛdeɛ mɔɔ wɔ nu la. Biza ɛ nwo kɛ:

• ‘Kɛ Gyisɛse ɛdoavolɛ la nzisi nwo sɔnea boni a me nye la kɛ ɔbahola yeado me a?’ (Luku 21:​12, 16, 17; Hib. 10:​33, 34)

• ‘Kɛzi mebaziezie me nwo amaa meaho meatia nzisi bɔkɔɔ ɛ?’ (Edw. 62:​7, 8; 105:​17-19; w19.07 2-7)