پیدائش 37:‏23-‏28؛‏ 39:‏17-‏23 نُوں پڑھو تے غور کرو کہ نااِنصافی نُوں برداشت کرن بارے اَسی یوسف توں کیہہ سکھ سکنے آں۔‏

اگلیاں پچھلیاں ایتاں تے غور کرو۔‏ ویکھو کہ دُوجیاں نے یوسف نال نااِنصافی کیوں کیتی۔ (‏پیدائش 37:‏3-‏11؛‏ 39:‏1،‏ 6-‏10‏)‏ یوسف نُوں کِنّے عرصے تک نااِنصافی دا سامنا کرنا پیا؟ (‏پیدائش 37:‏2؛‏ 41:‏46‏)‏ ایس سارے عرصے دے دوران یہوواہ نے یوسف لئی کیہہ کیتا تے کیہہ نئیں کیتا؟—‏پیدائش 39:‏2،‏ 21‏؛ م23.‏01 ص.‏ 17 پ.‏ 13‏۔‏

موضوع دی گہرائی چ جاؤ۔‏ بھانویں کہ فوطیفار دی بیوی نے یوسف تے جھوٹھا اِلزام لایا سی پر بائبل چ ایہہ نئیں دَسیا گیا کہ یوسف نے اَگوں ایہہ کہیا سی کہ اوہ جھوٹھ بول رہی اے۔ اگلیاں ایتاں توں اَسی ایہہ کیویں سمجھ سکنے آں کہ یوسف نے چپ رہن دا فیصلہ کیوں کیتا یاں سانوں ایہہ توقع کیوں نئیں کرنی چاہی دی کہ سانوں ایس معاملے بارے ہر گل دَسی جانی چاہی دی سی؟ (‏اَمثال 20:‏2؛‏ یوحنا 21:‏25؛‏ اعمال 21:‏37‏)‏ کیہڑیاں خوبیاں دی وجہ توں یوسف نااِنصافی نُوں برداشت کر سکیا؟—‏میکاہ 7:‏7؛‏ لُوقا 14:‏11؛‏ یعقوب 1:‏2، 3‏۔‏

ویکھو کہ تُسی کیہڑیاں گلاں سکھیاں نیں۔‏ اپنے آپ کولوں پچھو:‏

• ”‏یسوع مسیح دا شاگرد ہون دی وجہ توں میرے نال کیہڑیاں نااِنصافیاں ہو سکدیاں نیں؟“‏ (‏لُوقا 21:‏12،‏ 16، 17؛‏ عبرانیوں 10:‏33، 34‏)‏

• ”‏مَیں نااِنصافیاں نُوں برداشت کرن لئی اپنے آپ نُوں کیویں تیار کر سکنا واں؟“‏ (‏زبور 62:‏7، 8؛‏ 105:‏17-‏19‏؛ م19.‏07 ص.‏ 2-‏7‏)‏