WÃÃRE MAAGA NAA FRUG NEN WÃÃRE BAA TI ƁE
Soɗge joŋge jar de guri
Jaŋ Tĩĩgi Were 37:23-28; 39:17-23 maa da’ hadge see saɓlaŋ soɗge joŋge jar de gur maa ni Josef no.
Da’ wer ren go. Wer mayse ga hẽẽre Josefn joŋ wo ne de gur là? (Tĩĩ. 37:3-11; 39:1, 6-10) Josef ig soɗge ɓe gemay là? (Tĩĩ. 37:2; 41:46) De ngar ngeel sen mono, Jeofa joŋ mayse ne Josef là, day se joŋ mayse ne hẽn ga là?—Tĩĩ. 39:2, 21; w23.01 17 §13.
Frug wer ɓe. Bible bay wããge ga Josef joŋ mopo maa yãã see ɓe go de maaga wãy Potifar caa re ne hẽn see mo wa. Wããre maa ɓil Bible maa peeln wo mo ti’ la kay wo naa maa ɗiggi ga wer mayse ga Josef maŋ ga se mo wãã mopo wa la, noga ti fẽn maaga naa mo hay gor ga naa wer ren le go ne naa ɓuy ɗa wa là? (Jõõ. 20:2; Jaŋ 21:25; Joŋre 21:37) Joŋre maa de woore maa hõn kay wo Josef maa soɗ joŋge de gurn là?—Mise 7:7; Lug 14:11; Jag 1:2, 3.
Ndo da’ mayse wer ɓe ni là? Wii jag see ɓo ga:
-
‘Joŋge de gur maa hõn ga ndi de hay go gorge ɓe werga ndi diŋ jee maa wer Yeso mo là?’ — (Lug 21:12, 16, 17; Heb. 10:33, 34).
-
‘De ɗeŋ maa hõn ga ndi bag jag see ɓi go maa ooge de deele de maaga à joŋ me we de gur là?’(Siŋ. 62:7, 8; 105:17-19; w19.07 2-7).