A taio i te Genese 37:23-28; 39:17-23 no te huti mai i te haapiiraa i te mau tupuraa tano ore ta Iosepha i faaruru.

A hiˈo i te mau irava tapiri. No te aha Iosepha i hamani-ino-hia ˈi? (Gen. 37:3-11; 39:1, 6-10) Ehia maororaa to ˈna faaoromairaa i te reira? (Gen. 37:2; 41:46) I tera roaraa, eaha ta Iehova i rave no Iosepha e eaha ta ˈna i ore i rave?—Gen. 39:2, 21; w23.01 17 par. 13.

A feruri. Aita te Bibilia e faahiti ra e ua parau Iosepha e ua haavare te vahine a Potiphara. E nafea te mau irava i muri nei e faataa mai ai no te aha paha Iosepha i faaoti ai e mamû noa aore ra no te aha aita e faufaa ia ite tatou pauroa te mau tupuraa? (Mas. 20:2; Ioa. 21:25; Ohi. 21:37) Eaha te mau huru maitatai tei tauturu ia Iosepha ia faaoromai i te mau tupuraa tano ore?—Mika 7:7; Luka 14:11; Iak. 1:2, 3.

A hiˈo eaha te haapiiraa. A ui ia oe iho:

• ‘Eaha te tahi mau tupuraa tano ore ta ˈu e faaruru no te mea e pǐpǐ au na Iesu?’ (Luka 21:12, 16, 17; Heb. 10:33, 34)

• ‘E nafea ia faaineine ia ˈu no te faaoromai i te reira?’ (Sal. 62:7, 8; 105:17-19; w19.07 2-7)