Ledi Génesi 37:23-28; 39:17-23 par imparar sora quel che Giusepe el ga fato quando altri i lo ga tratà de una maniera rugna.

Impara de pi sora quel che ga sucedesto. Parché che quele persone le ga tratà Giusepe cossita? (Gén. 37:3-11; 39:1, 6-10) Quanto tempo Giusepe el ga tribolà? (Gén. 37:2; 41:46) Intanto che Giusepe l’era drio infrontar quele dificoltà, cossa che Geovà el ga fato par lu, e cossa no’l ga fato? — Gén. 39:2, 21; Sentinela de genaro de 2023, pàg. 17 par. 13.

Va in serca de imparar tuto quel che te pol sora questa stòria. Anca se la dona de Potifar la ga contà una busia sora Giusepe, la Bìblia no la dise che lu el ga proà mostrarghe che la era una busiera. Come che questi testi i pol giutarne a capir parché che Giusepe el ga pensà che saria meio no dir gnente? Parché che no ne ocore saver de tuto quel che ga sucedesto? (Pro. 20:2; Gio. 21:25; Ati 21:37) Che qualità ga giutà Giusepe a perseverar quando queste brute robe le ga sucedeste? — Mic. 7:7; Luc. 14:11; Tia. 1:2, 3.

Pensa sora quel che te ghè imparà e meti in pràtica. Domàndate:

• ‘Che dificoltà podaria infrontar se me sforso de ndar drio al esémpio de Gesù?’ (Luc. 21:12, 16, 17; Ebr. 10:33, 34)

• ‘Cossa che posso far adesso par esser bon de dàrghene fora con queste dificoltà?’ (Sal. 62:7, 8; 105:17-19; Sentinela de lùlio de 2019, pàg. 2 a 7)