MABANZA MO WULENDA LONGUKA
Phila yimonisina mvibudulu mu kambu ku busonga
Tanga 1 Mose 37:23-28; 39:17-23 muingi wulonguka kifuani ki Yosefi mu diambu ditedi monisa mvibudulu mu kambu ku busonga.
Tadila mambu ma disolo beni. Mbi bitula ti bavangila Yosefi mambu mu kambu ku busonga? (1 Mo. 37:3-11; 39:1, 6-10) Thangu kua Yosefi kamonisina kambu ku busonga mvibudulu? (1 Mo. 37:2; 41:46) Mu thangu beni yina, mambu mbi Yehova kavangila Yosefi, vayi mambu mbi kasi kumvangila ko?—1 Mo. 39:2, 21; w23.01-LI 17 ¶13.
Tuvisa mboti mboti. Bibila kisi tuba ko ti Yosefi wutomba kukinungisa mu mambu momo nketo Potifali kamfundila. Bue masonoko momo malandikini malenda tusadisila tusudika bibila biobi Yosefi kasobudila ba suidila voti bila kioki katulendi tombila ko ti mambu moso ma disolo beni mamana tubulu? (Zin. 20:2; Yow. 21:25; Mav. 21:37) Bikadulu mbi bisadisa Yosefi kanunga monisa mvibudulu mu kambu ku busonga?—Mika 7:7; Luka 14:11; Zaki 1:2, 3.
Malongi tulenda baka. Wukiyuvula:
-
‘Bo ndidi nlonguki wu Yesu, mambu mbi ndifueti zaba ma kambu ku busonga balenda kuphangila?’ (Luka 21:12, 16, 17; Ebe. 10:33, 34)
-
‘Bue ndilenda kubimina muingi ndinunga bumboti mboti kambu ku busonga?’ (Nku. 62:7, 8; 105:17-19; w19.07-LI 2-7)