SIERRA LEONE KEN GUINEA
“Awan Pay Makatawen, Mataykanton”
Zachaeus Martyn
NAYANAK 1880
NABAUTISARAN 1942
ABABA A PAKASARITAANNA Nangrugi a nagpayunir idi agtawen iti 72.
AWAN pay ti nangyad-adal iti Biblia ken Zachaeus ngem idi nabasana dagiti libro a Salvation ken The Harp of God, ammona a nasarakannan ti kinapudno.
Maysa nga agsapa ti Domingo idi 1941, nagrubuat ni Zachaeus tapno mapan makigimong kadagiti Saksi iti umuna a gundaway. Walo a kilometro ti kaadayona ken adda iti sakaanan ti narangkis a bantay. Gapu ta dina ammo ti rugi ti gimong, nasapa a nakadanon iti sumagmamano nga oras. Nagtugaw ni Zachaeus a nangur-uray iti isasangpet dagiti kakabsat. Kalpasan ti maikatlo a pannakigimongna iti Domingo iti Kingdom Hall, imbagana iti Anglican Church iti lugarda nga ikkatendan ti naganna iti listaan dagiti miembro.
Maysa a nasinged a gayyemna a miembro dayta a relihion ti nangibugkaw ken Zachaeus, “Sika a laklakayan, no kanayonka a sumang-at ken sumalog iti walo a kilometro iti dayta a bantay a mapan iti paggigimongan dagita a tattao, awan pay makatawen, mataykanton.” Nakitana ti isasang-at ken isasalog ni Zachaeus iti bantay mamindua iti makalawas iti las-ud ti lima a tawen. Idi kuan, natay daytoy a gayyem! Kalpasan ti 25 a tawen, napigsa pay laeng ni Zachaeus.
Simamatalek ni Zachaeus a nagserbi ken Jehova agingga a natay iti edad a 97.