ZACHAEUS ga se a ka a ba le motho yo a mo rutago Beibele. Eupša ka morago ga go bala puku ya Salvation le ya The Harp of God, o ile a tseba gore o hweditše therešo.

Mesong e mengwe ka Sontaga ka 1941, Zachaeus o ile a tšea leeto la gagwe la pele la go ya dibokeng la dikhilomithara tše seswai a theoga le go rotoga thabeng. Ka ge a be a sa tsebe gore diboka di thoma ka nako mang, o ile a fihla diiri tše mmalwa pele diboka di thoma. Zachaeus o ile a letela bana babo rena gore ba fihle. Ka morago ga go ba gona dibokeng ka Disontaga tše tharo Holong ya Mmušo, o ile a botša kereke yeo a bego a e tsena ya Anglican gore e se sa hlwa e mmala e le setho sa yona.

Mogwera wa gagwe wa paale yo a bego a tsena le yena kereke, o ile a mo galefela ka gore: “Wena mokgalabje, ge o ka tšwela pele o sepela dikhilomithara tšeo tše seswai o eya godimo le fase thabeng ye o re o ya holong ya batho bao ba gago, pele ngwaga wo o fela, o tla be o hwile.” Ka nywaga e mehlano, o ile a bona Zachaeus a eya godimo le fase thabeng yeo gabedi ka beke. Go e na le gore go hwe Zachaeus, go ile gwa hwa yena! Ka morago ga nywaga e 25, Zachaeus o be a ikwa a sa na le matla.

Zachaeus o hlanketše Jehofa ka potego go fihlela a ehwa a na le nywaga e 97.