KE 1956, nditọete ke Freetown ẹma ẹsio fim oro The New World Society in Action. Mmọ ẹkewet ẹte:

“Ima ibọ ufọkmbono emi okponde akan ke Freetown inyụn̄ inọ mme owo n̄wedikot 1,000. Ima ikere m̀mê owo ifan̄ ẹdidi. Ke ini akayakde minit 30 ndisio fim oro, owo 25 kpọt ẹkedi. Ke minit 15 ẹma ẹkebe, owo 100 ẹma ẹdidiana. Ikebịghike ẹma ẹtie ẹyọhọ n̄kpọitie 500 emi ẹkedude. Ke adianade do, owo 100 ẹma ẹnyịme ndidada. Owo 500 ẹma ẹda ke an̄wa sia ufan̄ mîkodụhe ke esịtufọk. Ima ibụp mbon oro ẹkedade ke an̄wa do m̀mê mmọ ẹyebet ọyọhọ ikpehe iba. Mmọ ẹma ẹbọrọ ẹte ‘Ih.’ Ndien mmọ ẹma ẹbet kpa ye oro edịm ekedepde!”

Ke ediwak isua, se ibede owo 80,000 ke ofụri Sierra Leone ẹma ẹse fim emi ye mme n̄wọrọnda fim eken.